ഗാന്ധി നഗർ: ഗുജറാത്തിലെ അഹമ്മദാബാദ് വിമാനത്താവളത്തിന് സമീപം പറന്നുയരുന്നതിനിടെ ഒരു വിമാനം തകർന്നുവീണു. അഹമ്മദാബാദിൽനിന്നു ലണ്ടനിലേക്കു പോയ എയർ ഇന്ത്യയുടെ ബോയിങ് 737 വിമാനമാണ് തകർന്നത്. വിമാനത്താവളത്തിന് സമീപം കനത്ത പുക ഉയരുന്നത് ദൃശ്യങ്ങളിൽ കാണാം.അഹമ്മദാബാദ് ഫയർ ആൻഡ് എമർജൻസി സർവീസസിന്റെ നേതൃത്വത്തിൽ ഏഴ് ഫയർ എഞ്ചിനുകൾ സ്ഥലത്തെത്തി രക്ഷാ പ്രവർത്തനങ്ങൾ തുടങ്ങിക്കഴിഞ്ഞു
242 യാത്രക്കാരുമായി ലണ്ടനിലേക്ക് പോവുകയായിരുന്ന എയർ ഇന്ത്യ വിമാനമാണ് തകർന്നത്. അഹമ്മദാബാദിലെ സർദാർ വല്ലഭായ് പട്ടേൽ രാജ്യാന്തര വിമാനത്താവളത്തിൽനിന്നു ടേക് ഓഫ് ചെയ്ത് നിമിഷങ്ങൾക്കുള്ളിലാണ് അപകടം. വിമാനത്തിന്റെ പിൻവശം മരത്തിലിടിച്ചെന്നാണ് പ്രാഥമിക സൂചന. വിമാനത്തിന്റെ ഒരു ചിറക് ഒടിഞ്ഞതായാണ് ചിത്രങ്ങളിൽ കാണുന്നത്. കൂടുതൽ വിവരങ്ങൾ അറിവായിട്ടില്ല.
