കൊച്ചി: ലുലുമാളിലെ ഓണാഘോഷത്തിന്റെ ഭാഗമായി ഇന്ന് വിവിധ ബാൻഡുകൾ അവതരിക്കുന്ന സംഗീതവിരുന്ന് അരങ്ങേറും. ലുലു ‘ഈ ഓണം ഇവിടെയാണ്’ ആഘോഷത്തിന്റെ ഭാഗമായി പ്രശസ്ത പിന്നണി ഗായകർ അണിനിരക്കുന്ന ചെമ്മീൻ, ഉറുമി, ഹരിശങ്കരൻ തുടങ്ങിയ വിവിധ ബാൻഡുകളാണ് സംഗീതവിരുന്നിൽ പങ്കെടുക്കുന്നത്. വൈകുന്നേരം ആറ് മണിക്ക് തുടങ്ങുന്ന ഷോ രാത്രി പത്ത് മണിവരെ നീണ്ടുനിൽക്കും.
ബുക്ക് മൈ ഷോ വഴി ടിക്കറ്റ് മുൻകൂട്ടി ബുക്ക് ചെയ്യാനും അവസരമുണ്ട്. ടിക്കറ്റ് ഇന്ന് വൈകിട്ട് ആറ് മണി വരെ ബുക്ക് മൈ ഷോയിലൂടെ ബുക്ക് ചെയ്യാൻ സാധിക്കും. ടിക്കറ്റ് വിതരണോത്ഘാടനം സിനിമാ താരങ്ങളായ അഷ്കർ അലി, ഹൃതു ഹാരൂൺ , പ്രീതി മുകുന്ദൻ, മിധുട്ടി, അർജുൻ സുന്ദരേശൻ എന്നിവർ ചേർന്ന് നിർവഹിച്ചു.
ഓണാഘോഷത്തിന്റെ ഭാഗമായി കഥകളി, തെയ്യം, കളരിപ്പയറ്റ്, നൃത്തരൂപങ്ങളുമൊരുക്കി മെഗാ ആർട്ട് ഫ്യൂഷനും അരങ്ങേറി. ലുലു മാൾ കൊച്ചി ഓപ്പറേഷൻസ് മാനേജർ ഒ. സുകുമാരൻ, സെക്യൂരിറ്റി മാനേജർ. കെ.ആർ ബിജു ,സിനിമാ സംവിധായകൻ ഫൈസൽ ഫസലുദ്ധീൻ, നിർമ്മാതാവ് സഞ്ജു ഉണ്ണിത്താൻ എന്നിവർ പ്രസംഗിച്ചു.
