തിരുവനന്തപുരം: ഭഗവത്ഗീത കുട്ടികളെ പഠിപ്പിക്കണമെന്ന് ഗായിക വൈക്കം വിജയലക്ഷ്മി. സംസ്ഥാനതല ശിശുദിനാചരണത്തിന്റെ പരിപാടിയിൽ മുഖ്യാതിഥി പങ്കെടുത്ത് കൊണ്ടാണ് വിജയലക്ഷ്മി ഭഗവത്ഗീതയുടെ മാഹാത്മത്യത്തെ കുറിച്ച് സംസാരിച്ചത്. നിശാഗന്ധിയിൽ നടന്ന പരിപാടിയിൽ മന്ത്രി വീണാ ജോർജും പങ്കെടുത്തിരുന്നു.
കുട്ടികൾക്ക് ഭഗവത്ഗീതയെക്കുറിച്ചുള്ള അറിവുകൾ ഉണ്ടാകുന്നത് നല്ലതാണെന്നാണ് എനിക്ക് പറയാനുള്ളത്. പിഞ്ചുഹൃദയത്തെ എല്ലാവരും ദേവാലയമായി കാണുക. അവരുടെ കിളിക്കൊഞ്ചലുകൾ മണിനാദമായി വിചാരിക്കുക. അവർ ദൈവത്തിന്റെ മക്കളാണ്. സത്യത്തിൻ പ്രഭ തൂവുന്ന ദൈവങ്ങളാണ് കുട്ടികൾ. അവരെ നമുക്ക് ബഹുമാനിക്കാം. അവരുടെ നല്ല ഭാവിക്കായി പ്രാർത്ഥിക്കാം. ദൈവത്തോട് നന്ദി പറയുന്നു.’- വൈക്കം വിജയലക്ഷ്മി പറഞ്ഞു. കുട്ടികൾക്കായി വേണ്ടി ഗാനങ്ങൾ ആലപിച്ച ശേഷമാണ് വൈക്കം വിജയലക്ഷ്മി വേദി വിട്ടത്.
