27 വർഷങ്ങൾക്ക് ശേഷം റീ റിലീസിനൊരുങ്ങി സമ്മർ ഇൻ ബത് ലഹേം. സിബി മലയിൽ– രഞ്ജിത്ത് കൂട്ടുകെട്ടിലൊരുങ്ങിയ ചിത്രം ഡിസംബർ 12ന് 4K ദൃശ്യമികവോടെയാണ് തിയേറ്ററുകളിലെത്തുന്നത്. ഒരുപാട് രഹസ്യങ്ങൾ ഒളിപ്പിച്ചു കൊണ്ടാണ് ആമിയും രവിശങ്കറും ഡെന്നീസും നിരഞ്ജനും മോനായിയും വീണ്ടും പ്രേക്ഷകർക്ക് മുന്നിലെത്തുന്നത്.
രഞ്ജിത്തിന്റെ തിരക്കഥയിൽ സിയാദ് കോക്കർ നിർമിച്ച് സിബി മലയിലാണ് ചിത്രം സംവിധാനം ചെയ്തത്. 1998 ലാണ് ചിത്രം പുറത്തിറങ്ങിയത്. സുരേഷ് ഗോപി, ജയറാം, മഞ്ജു വാര്യർ, കലാഭവൻ മണി തുടങ്ങിയവർക്കൊപ്പം മോഹൻലാലിന്റെ അതിഥിവേഷവും ചിത്രത്തിന്റെ ഹൈലൈറ്റ് ആയിരുന്നു.
