തൃശൂർ: ലോറി തട്ടി മരക്കൊമ്പ് കാറിന് മുകളിലേക്ക് വീണ് ഉണ്ടായ അപകടത്തിൽ യുവതിക്ക് ദാരുണാന്ത്യം.രാത്രി 7.25 ഓടെ തൃശൂർ കടവല്ലൂരിലാണ് ലോറി തട്ടി മരക്കൊമ്പ് കാറിന് മുകളിലേക്ക് ഒടിഞ്ഞ് വീണത്. പെരുമ്പിലാവ് സ്വദേശി ആതിരയാണ് മരിച്ചത്
തൃശൂർ ഭാഗത്തുനിന്ന് എടപ്പാൾ ഭാഗത്തേക്ക് പോകുകയായിരുന്ന കാറാണ് അപകടത്തിൽ പെട്ടത്. ആതിര സഞ്ചരിച്ച കാറിന് മുന്നിൽ പോയ കണ്ടയ്നർ ലോറി റോഡരികിലെ മരക്കൊമ്പിൽ തട്ടുകയും ചില്ല കൊമ്പൊടിഞ്ഞ് കാറിന് മുകളിൽ വീഴുകയുമായിരുന്നു
അപകടത്തിൽ ആതിരക്കൊപ്പം സഞ്ചരിച്ചിരുന്ന സുഹൃത്തിനും ഗുരുതരമായി പരിക്കേറ്റു. ഫയർ ഫോഴ്സ് ഉദ്യോഗസ്ഥരെത്തി കാറിന് മുകളിൽ വീണ മരക്കൊമ്പ് മുറിച്ച് നീക്കിയാണ് ഇരുവരെയും പുറത്തെടുത്തത്. പരിക്കേറ്റ ഇരുവരെയും പെരുമ്പിലാവിലെ സ്വകാര്യ ആശുപത്രിയിൽ എത്തിച്ചെങ്കിലും ആതിരയുടെ ജീവൻ രക്ഷിക്കാനായില്ല.
