മുംബൈ: ഷൂട്ടിംഗിനിടെ ബോളിവുഡ് നടി ശ്രദ്ധാകപൂറിന് പരിക്ക്. ഈത എന്ന ചിത്രത്തിന്റെ ഷൂട്ടിംഗിനിടെയാണ് താരത്തിന് പരിക്കേറ്റത്. അപകടത്തെ തുടർന്ന് ചിത്രീകരണം നിർത്തിവച്ചു. നൃത്തരംഗം ചിത്രീകരിക്കുന്നതിനിടെയാണ് അപകടമുണ്ടായത്.
മഹാരാഷ്ട്രയിലെ പരമ്പരാഗത നാടോടി നൃത്ത സംഗീത രൂപമായ ലാവണി അവതരിപ്പിക്കുന്നതിനിടെയാണ് ശ്രദ്ധയ്ക്ക് പരിക്കേറ്റത്. വേഗത്തിലുള്ള താളവും നൃത്തച്ചുവടുകളുമാണ് ഈ നൃത്തരൂപത്തിന്റെ പ്രത്യേകത. തുടർച്ചയായി നൃത്തം വയ്ക്കുന്ന സമയത്താണ് അപകടമുണ്ടായത്.
ഭാരമേറിയ ആഭരണങ്ങളും ഒരുപാട് വർക്കുകളുള്ള സാരിയും ധരിച്ചാണ് നൃത്തം ചെയ്യേണ്ടത്. ഇതിനിടെ താരത്തിന്റെ ബാലൻസ് തെറ്റി നിലത്തുവീഴുകയായിരുന്നു. പരിക്ക് മാറിയാൽ രണ്ടാഴ്ചയ്ക്കുള്ളിൽ ചിത്രീകരണം പുനരാരംഭിക്കുമെന്ന് അണിയറപ്രവർത്തകർ വ്യക്തമാക്കി.
