ഇന്ന് സോഷ്യൽമീഡിയയിൽ ട്രെൻഡാകുന്ന ഒന്നാണ് പ്രീവെഡ്ഡിംഗ് ഫോട്ടോഷൂട്ട്. പല മോഡലിൽ വ്യത്യസ്തത നിറഞ്ഞ ഫോട്ടോഷൂട്ടുകൾ സോഷ്യൽമീഡിയയിലും ശ്രദ്ധേയമാകുന്നു. ഇതിൽ ഏറ്റവും പ്രധാനമാണ് ഷൂട്ടിംഗ് ലൊക്കേഷനുകൾ. വസ്ത്രവും പശ്ചാത്തലവുമാണ് ഏതൊരു ചിത്രത്തെയും മനോഹരമാക്കുന്നത്.
നാടനായും മോഡനായും സിനിമാറ്റിക് സ്റ്റൈലിലുമൊക്കെ വധൂവരന്മാരുടെ ചിത്രങ്ങൾ സോഷ്യൽമീഡിയയിൽ പ്രത്യേക്ഷപ്പെടാറുണ്ട്. ലൊക്കേഷനുമായി ചേരുന്ന തരത്തിലാണ്
വധൂവരന്മാർ വസ്ത്രങ്ങൾ ധരിക്കുക. ഇത് എടുക്കുന്ന ചിത്രങ്ങൾ കൂടുതൽ ഭംഗി നൽകുന്നു. തിരുവനന്തപുരത്ത് പ്രീവെഡ്ഡിംഗ് ഫോട്ടോഷൂട്ട് എടുക്കാൻ ഉചിതമായ സ്ഥലങ്ങൾ ഏതൊക്കെയെന്ന് നോക്കാം.
പത്മനാഭസ്വാമി ക്ഷേത്രപരിസരം- ധാരാളം ആളുകൾ ഫോട്ടോഷൂട്ടിന് എത്തുന്ന സ്ഥലമാണ് പത്മനാഭസ്വാമി ക്ഷേത്രത്തിന്റെ പരിസരം. പ്രിവെഡ്ഡിംഗിന് ആയാലും അല്ലാതെയും ഇവിടെ ഫോട്ടോഷൂട്ട് നടക്കാറുണ്ട്.
കോവളം, ശുംഖുമുഖം ബീച്ച്- അതിമനോഹരമായ കോവളം ബിച്ചും ഫോട്ടോഷൂട്ടിന് ഉത്തമമാണ്. അതുപോലെ ശംഖുമുഖം കടപ്പുറവും ഫോട്ടോഷൂട്ടിന് പറ്റിയ ഇടമാണ്. സൂര്യോദയ-അസ്തമയ സ്ഥലങ്ങളിലായിരിക്കും ഫോട്ടോ എടുക്കാൻ ഏറ്റവും മനോഹരം.
മ്യൂസിയം – മ്യൂസിയത്തിന്റെ പരിസരങ്ങളിലായി ഫോട്ടോഷൂട്ടിന് അനുയോജ്യമായ ഒരുപാട് സ്ഥലങ്ങളുണ്ട്. പച്ചപ്പും പൂക്കളും നിറഞ്ഞയിടങ്ങൾ പ്രീവെഡ്ഡിംഗ് ഫോട്ടോഷൂട്ടിന് നല്ലതായിരിക്കും.
പൊൻമുടി- അധികം ആളുകളും ഫോട്ടോ എടുക്കാൻ പോകുന്ന വിനോദസഞ്ചാര കേന്ദ്രമാണ് പൊൻമുടി. ഹെയർപിൻ കയറി മലമുകളിലെത്തുമ്പോൾ സഞ്ചാരികളെ കാത്തിരിക്കുന്നത് തണുത്ത കാറ്റും പച്ചപ്പ് നിറഞ്ഞ അതിമനോഹരമാണ് കാഴ്ചയാണ്.
