തിരുവനന്തപുരം : ബലാൽസംഗക്കേസിലെ പ്രതി രാഹുൽ മാങ്കൂട്ടത്തിൽ എംഎം എൽ എ തദ്ദേശ സ്വയം ഭരണ തെരെഞ്ഞെടുപ്പിൽ വോട്ട് ചെയ്യാൻ എത്തിയതിനെ തുടർന്ന് കാണ്ടാമൃഗത്തിന്റെ ഫോട്ടോ പോസ്റ്റ് ചെയ്ത് കോൺഗ്രസ് നേതാവ് അജയ് തറയിൽ. ‘തൊലിക്കട്ടി അപാരം’ എന്ന അടിക്കുറിപ്പും അദ്ദേഹം നൽകിയിട്ടുണ്ട്.
ഇതേ തുടർന്ന് ഷാഫി രാഹുൽ സൈബർ ഗുണ്ടകൾ കടുത്ത ആക്രമണമാണ് അജയ് തറയിലിനെതിരെ നടത്തുന്നത്. കോൺഗ്രസ് കാറായ സൈബർ ഗുണ്ടകൾക്ക് പുറമെ നിരവധി മുസ്ലിം ലീഗ് സൈബർ ഗുണ്ടകളും അജയ് തറയിലിനെതിരെ ആക്രമണവുമായി രംഗത് വന്നിട്ടുണ്ട്. എടുത്തു പറയാൻ ആകാത്ത മോശം പരാമർശങ്ങളാണ് അജയ് തറയിലിനെതിരെ ഈ സൈബർ ഗുണ്ടകൾ നടത്തുന്നത്.
ഇതിനു മുൻപും രാഹുൽ മാങ്കൂട്ടത്തിലിനെതിരെ പരാമർശങ്ങൾ നടത്തിയ വനിതാ നേതാക്കൾക്കെതിരെ സൈബർ ഗുണ്ടകൾ അധിക്ഷേപ പരാമർശങ്ങൾ നടത്തിയിരുന്നു.
ഏതാണ്ട് രണ്ടാഴ്ചത്തെ ഒളിവു ജീവിതത്തിനു ശേഷം ഇന്നാണ് രാഹുൽ മാങ്കൂട്ടത്തിൽ പുറത്തിറങ്ങിയത്.
