കുവൈറ്റ് സിറ്റി : പുലർച്ചെയാണ് കുവൈറ്റ് സിറ്റിയിലുള്ള പി.ഐ.എഫ്.എസ്.എസ് (PIFSS) പ്രധാന കെട്ടിടത്തിന് നേരെ ആക്രമണമുണ്ടായത്. ആക്രമണത്തിൽ കെട്ടിടത്തിനുള്ളിൽ തീപിടുത്തമുണ്ടായെങ്കിലും ഉടൻ തന്നെ ഫയർഫോഴ്സും സുരക്ഷാ സേനയും സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കി.
ആക്രമണ സമയത്ത് കെട്ടിടത്തിനുള്ളിലുണ്ടായിരുന്ന സുരക്ഷാ ഉദ്യോഗസ്ഥരെ സുരക്ഷിതമായി ഒഴിപ്പിച്ചു. സുരക്ഷാ മുൻകരുതലിന്റെ ഭാഗമായി പ്രധാന ആസ്ഥാനം ഇന്ന് പൊതുജനങ്ങൾക്കായി അടച്ചിടുമെന്ന് അധികൃതർ അറിയിച്ചു. എങ്കിലും മറ്റ് ശാഖകൾ മുപ്പത് ശതമാനം പ്രവർത്തന ശേഷിയോടെ പ്രവർത്തിക്കും. സ്ഥാപനത്തിന്റെ സുപ്രധാനമായ ഡാറ്റാ ശേഖരങ്ങളെല്ലാം സുരക്ഷിതമാണെന്നും ഓൺലൈൻ വഴി മിക്ക സേവനങ്ങളും തടസ്സമില്ലാതെ ലഭ്യമാണെന്നും ആക്ടിംഗ് ഡയറക്ടർ ജനറൽ ഖാലിദ് അൽ മുദാഫ് വ്യക്തമാക്കി.
നിലവിൽ മറ്റ് സുരക്ഷിതമായ ഇടങ്ങളിൽ നിന്നാണ് ഓഫീസ് പ്രവർത്തനങ്ങൾ ഏകോപിപ്പിക്കുന്നത്.
