ഹണിമൂൺ യാത്രകൾ സാധാരണയായി വിമാനത്തിലോ ട്രെയിനിലോ ഉള്ള ലക്ഷ്യസ്ഥാനങ്ങളിലേക്ക് ഒതുങ്ങാറുണ്ട്. എന്നാൽ അതിൽ നിന്ന് വ്യത്യസ്തമായി, ‘ഒരു ഓൾ ഇന്ത്യ ബൈക്ക് ട്രിപ്പ് ‘ പ്ലാൻ ചെയ്യുന്നത് സാഹസികത ഇഷ്ടപ്പെടുന്ന ദമ്പതികൾക്ക് മറക്കാനാവാത്ത ഒരു അനുഭവമായിരിക്കും. ഇത്തരമൊരു യാത്ര പ്ലാൻ ചെയ്യുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എന്തോക്കെയാണെന്ന് നോക്കിയാലോ….
1. ഇന്ത്യയുടെ വൈവിധ്യം അനുഭവിക്കാൻ മികച്ച റൂട്ട് പ്ലാനിംഗ് വേണം കേരളത്തിൽ നിന്ന് തുടങ്ങി കർണാടക, ഗോവ, മഹാരാഷ്ട്ര വഴി ലഡാക്ക് വരെ ഒരു സൗത്ത് ടു നോർത്ത് യാത്ര. പ്രധാന മെട്രോ നഗരങ്ങളെ ബന്ധിപ്പിക്കുമ്പോൾ മറ്റൊരു രാജ്യത്തെത്തുന്ന കാഴ്ച്ച സാധ്യമാക്കാം. കൊട്ടാരങ്ങളും മരുഭൂമികളും നിറഞ്ഞ റോഡുകൾ. കാണണമെങ്കിൽ രാജസ്ഥാൻ സർക്യൂട്ട് തിരഞ്ഞെടുക്കാം.
2. ബൈക്കിന്റെ തിരഞ്ഞെടുപ്പും സജ്ജീകരണവും ദീർഘദൂര യാത്രയായതിനാൽ കംഫർട്ട് പ്രധാനമാണ്. ‘ക്രൂയിസർ’ അല്ലെങ്കിൽ ‘അഡ്വഞ്ചർ ടൂറർ’ ബൈക്കുകൾ കൂടുതൽ അനുയോജ്യമാണ്. ദമ്പതികളുടെ ബാഗുകൾ സുരക്ഷിതമായി വെക്കാൻ സാഡിൽ സ്റ്റേകളും ടോപ്പ് ബോക്സുകളും അടങ്ങിയ ലഗേജ് റായ്ക്കുകൾ ഘടിപ്പിക്കണം.
3. സുരക്ഷയും വസ്ത്രധാരണവും റൈഡിംഗ് ഗിയർ: നിലവാരമുള്ള ഹെൽമെറ്റ്, ജാക്കറ്റ്, ഗ്ലൗസ്, ബൂട്ട് എന്നിവ രണ്ടുപേർക്കും നിർബന്ധമാണ്. ഇന്ത്യയിലെ വിവിധ സംസ്ഥാനങ്ങളിൽ വിവിധ കാലാവസ്ഥയായതിനാൽ മഴക്കോട്ട്, തണുപ്പിനെ പ്രതിരോധിക്കാനുള്ള വസ്ത്രങ്ങൾ എന്നിവ കരുതണം.
4. താമസവും ഭക്ഷണവും എല്ലാ ദിവസവും മുൻകൂട്ടി ബുക്ക് ചെയ്യുന്നതിനേക്കാൾ, യാത്രയുടെ വേഗതയനുസരിച്ച് ഹോംസ്റ്റേകളോ കഫേകളോ തിരഞ്ഞെടുക്കുന്നത് കൂടുതൽ രസകരമായിരിക്കും. പ്രാദേശിക ഭക്ഷണങ്ങൾ പരീക്ഷിക്കുന്നത് യാത്രയുടെ മാറ്റ് കൂട്ടും. പെട്രോൾ, ബൈക്ക് സർവീസിംഗ്, താമസം, ഭക്ഷണം എന്നിവ കണക്കാക്കി കൃത്യമായ ഒരു ബജറ്റ് തയ്യാറാക്കണം. യാത്രയിലുടനീളം മനോഹരമായ വീഡിയോകളും ഫോട്ടോകളും എടുക്കാൻ ഒരു ആക്ഷൻ ക്യാമറ കരുതുന്നത് ഹണിമൂൺ ഓർമ്മകൾ സൂക്ഷിക്കാൻ സഹായിക്കും.
