പാലക്കാട്: വിദ്യാർത്ഥികളുടെ മാല കവർന്ന ശേഷം മോഷ്ടാക്കൾ അതിർത്തി വിട്ടതായി സംശയം. പാലക്കാട് അകത്തെത്തറയിൽ ഇന്നലെ ഉച്ചക്കാണ് സംഭവം. വിദ്യാർത്ഥികളെ പിന്തുടർന്നെത്തിയ മോഷ്ടാക്കളുടെതെന്ന് സംശയിക്കുന്ന ദൃശ്യങ്ങൾ പുറത്ത് വന്നു. തൊപ്പി ധരിച്ച രണ്ട് യുവാക്കൾ ആണ് കുട്ടികളെ പിന്തുടർന്നത്.
ഇവർ എത്തിയതെന്ന് കരുതുന്ന മഹാരാഷ്ട്ര രജിസ്ട്രേഷൻ വണ്ടി വാളയാർ ടോൾ പ്ലാസ കടന്ന് പോകുന്ന സിസിടിവി ദൃശ്യങ്ങളും പുറത്ത് വന്നു. അകത്തെത്തറ ജി യു പി സ്കൂളിന് സമീപം പരീക്ഷ കഴിഞ്ഞ് മടങ്ങവേയാണ് കവർച്ച നടന്നത്. എന്നാൽ മോഷ്ടാക്കൾ കവർന്ന മാല സ്വർണം ആയിരുന്നില്ല. പിടിവലിയിൽ വിദ്യാർത്ഥികൾക്ക് നിസാരമായി പരിക്കേറ്റിരുന്നു. ഹേമാംബിക നഗർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
