ചെന്നൈ : സൂപ്പർസ്റ്റാർ രജനീകാന്ത് അഭിനയിക്കുന്ന തമിഴ് ചിത്രമായ ജയിലർ 2 ന്റെ സെറ്റിൽ വൈദ്യുതാഘാതമേറ്റ് ഒരു തൊഴിലാളി മരിച്ചു. പനൈയൂരിലെ ഒരു സ്വകാര്യ ഫിലിം സ്റ്റുഡിയോയിൽ മെയ് 14 ഉച്ചകഴിഞ്ഞ് സംഭവം നടന്നത്.സേലം സ്വദേശി കാർത്തികേയനാണ്(28) മരിച്ചത്.
സിനിമയുടെ ചിത്രീകരണത്തിനായി വീട് പോലുള്ള ഒരു സെറ്റ് പണിയുന്നതിനിടയിൽ കലാസംവിധാന ജോലികളിൽ ഏർപ്പെട്ടിരിക്കെ കാർത്തികേയന് വൈദ്യുതാഘാതമേറ്റതായാണ് പ്രാഥമിക റിപ്പോർട്ടുകൾ. എഫ്ഐആർ ഇതുവരെ ഫയൽ ചെയ്തിട്ടില്ലെന്നും എന്നാൽ വൈദ്യുത ചോർച്ചയിലേക്ക് നയിച്ച സാഹചര്യങ്ങൾ കണ്ടെത്താൻ കൂടുതൽ അന്വേഷണം നടക്കുന്നുണ്ടെന്നും കാനത്തൂർ പോലീസ് പറഞ്ഞു.
നെൽസൺ ദിലീപ്കുമാറും രജനികാന്തും ഒന്നിക്കുന്ന രണ്ടാമത്തെ ചിത്രമാണ് ജയിലർ 2. കലാനിധി മാരന്റെ സൺ പിക്ചേഴ്സാണ് ചിത്രം നിർമ്മിക്കുന്നത്.
2023-ൽ പുറത്തിറങ്ങിയ ആദ്യഭാഗം ഒരു വൻ ബ്ലോക്ക്ബസ്റ്ററായിരുന്നു. ജയിലർ 1 ഇതുവരെ ഏറ്റവും കൂടുതൽ കളക്ഷൻ നേടിയ തമിഴ് സിനിമകളിൽ ഒന്നായി മാറി.
