തിരുവനന്തപുരം : മുഖ്യമന്ത്രി വി ഡി സതീശന്റെ പേരിൽ വ്യാജ ഫേസ്ബുക്ക് പേജ് സൃഷ്ടിച്ച് പണം തട്ടാൻ ശ്രമം. മുഖ്യമന്ത്രിയുടെ പേരിൽ വ്യാജ ഫേസ്ബുക്ക് പേജ് നിർമ്മിച്ച സബ്സ്ക്രൈബ് തുക ഈടാക്കിയാണ് പണം തട്ടിപ്പ് ശ്രമം നടത്തിയത്. ചീഫ് മിനിസ്റ്റർ വിഡിഎസ് എന്ന പേരിലുള്ള വ്യാജ പേജ് വഴിയാണ് മാസം 89 രൂപ സബ്സ്ക്രിപ്ഷൻ ആവശ്യപ്പെടുന്നത്.
ഈ ഫെയ്‌സ്ബുക് പേജിന് നിലവിൽ ഏകദേശം 5,89,000 ഫോളോവേഴ്‌സുണ്ട് . ഇതിനകം ഇതിൽ എത്രപേർ പണം നൽകി പേജ് സബ്സ്ക്രൈബ് ചെയ്‌തു എന്ന വിവരം പേജിൽ ഹൈഡ് ചെയ്‌തു വെച്ചിരിക്കുകയാണ്.നിരവധി പേർ ഇതിനകം കെണിയിൽ പെട്ടിട്ടുണ്ടാകാമെന്നാണ് ഇത്രയധികം ഫോളോവേഴ്‌സുള്ള പേജ് ആയതിനാൽ തന്നെ സൈബർ വിദഗ്ധർ ചൂണ്ടിക്കാണിക്കുന്നത്.
അതേസമയം മുഖ്യമന്ത്രി വി ഡി സതീശന്റെ പേരിൽ വെരിഫൈഡ് ചെയ്ത ഔദ്യോഗികമായ ഒരു ഫേസ്ബുക്ക് പേജ് മാത്രമേയുള്ളൂ എന്നും അറിയിക്കുന്നു. സബ്സ്ക്രൈബ് ആവശ്യപ്പെടുന്ന ഇത്തരം പേജുകൾ പൂർണമായും വ്യാജമാണ്. പൊതുജനങ്ങൾ ഇതിൽ വഞ്ചിതരാകരുത് എന്നാണ് മുഖ്യമന്ത്രിയുടെ ഓഫീസ് മുന്നറിയിപ്പിൽ പറയുന്നത്.
