ബഹ്റൈൻ: ഇന്ത്യൻ സംസ്കാരം, പാരമ്പര്യം, വിദ്യാഭ്യാസം, സാമൂഹിക ക്ഷേമം, സാമൂഹിക ഐക്യം എന്നിവ പ്രോത്സാഹിപ്പിക്കുന്ന സാമൂഹിക-സാംസ്കാരിക സംഘടനയായ സംസ്‌കൃതി ബഹ്റൈൻ 2026–27 പ്രവർത്തന വർഷത്തേക്കുള്ള പുതിയ എക്സിക്യൂട്ടീവ് കമ്മിറ്റിയെ തെരഞ്ഞെടുത്തു. ജൂലൈ 3-ന് നടന്ന വാർഷിക പൊതുയോഗത്തിലാണ് പുതിയ ഭാരവാഹികളെ ഏകകണ്ഠമായി തിരഞ്ഞെടുത്തത്.
ദീപക് നന്ദ്യാല പ്രസിഡന്റായും റെജു ആൻഡ്രൂസ് ജനറൽ സെക്രട്ടറിയായും തിരഞ്ഞെടുക്കപ്പെട്ടു.
ആനന്ദ് ജെ (വൈസ് പ്രസിഡന്റ്), ഹരീഷ് നായർ (ട്രഷറർ), ഹനുമന്ത റാവു (ജോയിന്റ് സെക്രട്ടറി), രഞ്ജിത് പി (മെമ്പർഷിപ്പ് സെക്രട്ടറി), വെങ്കട്ട് സ്വാമി, പ്രേം സാഗർ, രാജീഷ്, വിനയ് ചന്ദൽ (എക്സിക്യൂട്ടീവ് അംഗങ്ങൾ), സുരേഷ് ബാബു (ഓവർസീസ് കോർഡിനേറ്റർ), പ്രവീൺ എസ് (ഉപദേഷ്ടാവ്), പ്രദീപ് എസ് (സംയോജക്) എന്നിവരാണ് മറ്റ് ഭാരവാഹികൾ.
വാർഷിക പൊതുയോഗത്തിൽ വൈസ് പ്രസിഡന്റ് ആനന്ദ് ജെ സ്വാഗതം ആശംസിച്ചു. അംഗങ്ങൾ നൽകിയ വിശ്വാസത്തിനും പിന്തുണയ്‌ക്കും നന്ദി അറിയിച്ച പ്രസിഡന്റ് ദീപക് നന്ദ്യാല, ക്ഷേമ പ്രവർത്തനങ്ങൾ, സാമൂഹിക സേവനം, സാംസ്കാരിക-വിദ്യാഭ്യാസ പരിപാടികൾ, വനിതാ-യുവജന ശാക്തീകരണ പദ്ധതികൾ എന്നിവ കൂടുതൽ സുതാര്യമായും എല്ലാവരെയും ഉൾക്കൊള്ളുന്ന സമീപനത്തോടെയും നടപ്പാക്കുമെന്ന് വ്യക്തമാക്കി.
ട്രഷറർ ഹരീഷ് നായർ നന്ദി രേഖപ്പെടുത്തി.
സംഘടനയുടെ രക്ഷാധികാരി ഡോ. അരുണ്‍ കുമാർ പ്രഹരാജ്, വിശിഷ്ടാതിഥികളായ അഭിഷേക് ദേവ്ജി, ബ്രിജ്ഭൂഷൺ കിഷോർ എന്നിവർ ചടങ്ങിൽ പങ്കെടുത്തു.
