ചെട്ടികുളങ്ങര: ദേവീക്ഷേത്രത്തിൽ 13 ദിവസമായി നടന്ന രാമായണോത്സവത്തോടനുബന്ധിച്ച് ശ്രീദേവി വിലാസം കൺവൻഷൻ ഓർഗനൈസിങ് കമ്മിറ്റി സംഘടിപ്പിച്ച വിവിധ കലാ-സാഹിത്യ മത്സരങ്ങളിൽ വിദ്യാധിരാജ വിദ്യാപീഠം ഓവറോൾ കിരീടം സ്വന്തമാക്കി. കെ.ജി. സെന്റ് ജോൺസ് ചൂനാട് രണ്ടാം സ്ഥാനവും സെന്റ് ജോൺസ് എച്ച്.എസ്.എസ്. മൂന്നാം സ്ഥാനവും നേടി. ചെട്ടികുളങ്ങര ഹയർ സെക്കൻഡറി സ്കൂളും മികച്ച പ്രകടനം കാഴ്ചവെച്ചു.
മത്സരങ്ങളിൽ മികച്ച പ്രകടനം പുറത്തെടുത്ത വിദ്യാധിരാജ വിദ്യാപീഠത്തിലെ സുമയ്യ നാഷാദിനെ കലാപ്രതിഭയായും, സെന്റ് ജോൺസ് എച്ച്.എസ്.എസിലെ അർവിന്ദിനെ സുവർണ പ്രതിഭയായും തെരഞ്ഞെടുത്തു. സെന്റ് ജോൺസ് എച്ച്.എസ്.എസിലെ ഫോർ ഹൗസ്, ചൂനാട്, വിദ്യാധിരാജ സ്കൂൾ എന്നിവയും വിവിധ ഗ്രേഡുകളിൽ ശ്രദ്ധേയ നേട്ടങ്ങൾ സ്വന്തമാക്കി.
മഹായാഗോത്സവത്തിന്റെ സമാപന സമ്മേളനം ചലച്ചിത്ര നടി ജലജ ഉദ്ഘാടനം ചെയ്തു. ഒ. സുനിൽ, യു. നാസർ, സുരേഷ് ചെന്നിത്തല എന്നിവർ സംസാരിച്ചു.
മത്സരങ്ങളിൽ സുമയ്യ നാഷാദ് എൽ.പി., ഹൈസ്കൂൾ വിഭാഗങ്ങളിലെ വിവിധ ഇനങ്ങളിൽ ഒന്നാം സ്ഥാനം നേടി മികവ് തെളിയിച്ചു. യു.പി., ഹൈസ്കൂൾ വിഭാഗങ്ങളിലെ പ്രസംഗം, ക്വിസ് മത്സരങ്ങളിൽ ഒന്നാം സ്ഥാനം നേടിയ അർവിന്ദ് തുടർച്ചയായ അഞ്ചാം വർഷവും സുവർണ പ്രതിഭ പുരസ്കാരം സ്വന്തമാക്കി. മൂന്ന് വർഷം എൽ.പി. വിഭാഗത്തിലും കഴിഞ്ഞ രണ്ട് വർഷം ഹൈസ്കൂൾ വിഭാഗത്തിലുമാണ് അർവിന്ദ് ഈ നേട്ടം ആവർത്തിച്ചത്.
സീനിയർ വിഭാഗത്തിലും നിരവധി പുരസ്കാരങ്ങൾ കരസ്ഥമാക്കിയ സുമയ്യ നാഷാദിന്റെ പ്രകടനവും ഇത്തവണത്തെ മഹായാഗോത്സവത്തിലെ പ്രധാന ആകർഷണങ്ങളിലൊന്നായി. മത്സര വിജയികൾക്ക് കാഷ് പ്രൈസും ട്രോഫികളും വിതരണം ചെയ്തു.
