റാന്നി: സംശയത്തിന്റെ പേരിൽ ഭാര്യയെ അതിക്രൂരമായി മർദിക്കുകയും മർദനത്തിന്റെ ദൃശ്യങ്ങൾ സമൂഹമാധ്യമങ്ങളിലൂടെ പ്രചരിപ്പിക്കുകയും ചെയ്ത സംഭവത്തിൽ ഭർത്താവ് അറസ്റ്റിൽ. റാന്നി വടശ്ശേരിക്കര ചെറുകുളഞ്ഞി പടിയറ വീട്ടിൽ റെജി (54) യെയാണ് പൊലീസ് അറസ്റ്റ് ചെയ്തത്.
ഭാര്യയെ ക്രൂരമായി മർദിച്ചെന്ന പരാതിയിലാണ് പൊലീസ് നടപടി. സംശയത്തിന്റെ പേരിലാണ് ഭാര്യയ്ക്കെതിരെ റെജി അതിക്രമം നടത്തിയതെന്നാണ് ലഭിക്കുന്ന വിവരം. മർദനത്തിൽ ഒതുങ്ങാതെ സംഭവത്തിന്റെ ദൃശ്യങ്ങൾ സമൂഹമാധ്യമം വഴി പ്രചരിപ്പിച്ചതും കേസിന് ഗൗരവം വർധിപ്പിച്ചു.
സംഭവം പുറത്തറിഞ്ഞതോടെ പൊലീസ് അന്വേഷണം ശക്തമാക്കുകയായിരുന്നു. തുടർന്ന് റെജിയെ പൊലീസ് അറസ്റ്റ് ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
സംഭവത്തിൽ റാന്നി പൊലീസ് സംഘമാണ് പ്രതിയെ പിടികൂടിയത്. റാന്നി എസ്.ഐ എസ്. സിബി, എസ്.സി.പി.ഒ സോണി ജോസഫ്, സി.പി.ഒമാരായ അനീഷ്, നിതിൻ എന്നിവർ ഉൾപ്പെട്ട സംഘമാണ് പ്രതിയെ അറസ്റ്റ് ചെയ്തത്.
അറസ്റ്റിന് പിന്നാലെ റെജിയെ കോടതിയിൽ ഹാജരാക്കി. കോടതി പ്രതിയെ റിമാൻഡ് ചെയ്തതോടെ ഇയാൾ നിലവിൽ ജുഡീഷ്യൽ കസ്റ്റഡിയിലാണ്. കേസിൽ പൊലീസ് തുടർനടപടികൾ സ്വീകരിച്ചുവരികയാണ്.
