ന്യൂഡല്‍ഹി: ഇന്ത്യന്‍ ടി20 ടീമിലേക്കുള്ള ഹാര്‍ദിക് പാണ്ഡ്യയുടെ തിരിച്ചുവരവ് വീണ്ടും വൈകി. ഡല്‍ഹിയില്‍ അഫ്ഗാനിസ്ഥാനെതിരെ നടക്കാനിരിക്കുന്ന ടി20 പരമ്പരയ്‌ക്കുള്ള ഇന്ത്യന്‍ ടീമില്‍ ഹാര്‍ദിക്കിന് ഇടം ലഭിച്ചില്ല. അതേസമയം, സഞ്ജു സാംസണും ജസ്പ്രീത് ബുംറയും ടീമിലേക്ക് തിരിച്ചെത്തി. എന്നാല്‍ ബുംറയുടെ പരമ്പരയിലെ പങ്കാളിത്തം ഫിറ്റ്‌നസിനെ ആശ്രയിച്ചായിരിക്കും. പരമ്പരയ്‌ക്കുള്ള 15 അംഗ ടീമിനെ ശ്രേയസ് അയ്യര്‍ നയിക്കും. തിലക് വര്‍മയാണ് വൈസ് ക്യാപ്റ്റന്‍.
സഞ്ജു സാംസണിനൊപ്പം ഇഷാന്‍ കിഷനും വിക്കറ്റ് കീപ്പറായി ടീമിലുണ്ട്. അഭിഷേക് ശര്‍മ, വൈഭവ് സൂര്യവംശി, ശിവം ദുബെ, നിതീഷ് കുമാര്‍ റെഡ്ഡി, അക്‌സര്‍ പട്ടേല്‍, വാഷിങ്ടണ്‍ സുന്ദര്‍, വരുണ്‍ ചക്രവര്‍ത്തി, രവി ബിഷ്‌ണോയ്, അര്‍ഷ്ദീപ് സിങ്, ഹര്‍ഷിത് റാണ എന്നിവരും ടീമില്‍ ഇടം നേടി.ൃ
ഹാര്‍ദിക് പാണ്ഡ്യയുടെ അഭാവമാണ് ടീമിലെ ഏറ്റവും ശ്രദ്ധേയമായ തീരുമാനം. അതേസമയം സഞ്ജുവിന്റെ തിരിച്ചുവരവ് മലയാളി ആരാധകര്‍ക്ക് വലിയ ആവേശമാകും. ബുംറയെ ടീമില്‍ ഉള്‍പ്പെടുത്തിയിട്ടുണ്ടെങ്കിലും ഫിറ്റ്‌നസ് ക്ലിയറന്‍സ് നിര്‍ണായകമാകും.
അഫ്ഗാനെതിരായ ഇന്ത്യയുടെ ടി20 സംഘം
ശ്രേയസ് അയ്യര്‍ (ക്യാപ്റ്റന്‍), അഭിഷേക് ശര്‍മ, വൈഭവ് സൂര്യവംശി, സഞ്ജു സാംസണ്‍ (വിക്കറ്റ് കീപ്പര്‍), ഇഷാന്‍ കിഷന്‍ (വിക്കറ്റ് കീപ്പര്‍), തിലക് വര്‍മ്മ (വൈസ് ക്യാപ്റ്റന്‍), ശിവം ദുബെ, നിതീഷ് കുമാര്‍ റെഡ്ഡി, അക്‌സര്‍ പട്ടേല്‍, വാഷിങ്ടണ്‍ സുന്ദര്‍, വരുണ്‍ ചക്രവര്‍ത്തി, രവി ബിഷ്‌ണോയ്, ജസ്പ്രീത് ബുംറ, അര്‍ഷ്ദീപ് സിങ്, ഹര്‍ഷിത് റാണ.
