ജയ്പൂര്: രാജസ്ഥാനിലെ ജയ്പൂരില് യുവതിയെയും മൂന്ന് മക്കളെയും വീട്ടിനുള്ളില് മരിച്ചനിലയില് കണ്ടെത്തി. കര്ദാനി പ്രദേശത്താണ് സംഭവം. ഗീതാ ഝാ, മക്കളായ നന്ദിനി, ഗിരീഷ, രാധിക എന്നിവരാണ് മരിച്ചത്. സംഭവത്തിന് പിന്നാലെ ഗീതയുടെ ഭര്ത്താവ് രാഹുല് ഒളിവില് പോയതായി പൊലീസ് അറിയിച്ചു. കുടുംബവഴക്കാണ് സംഭവത്തിന് പിന്നിലെന്നാണ് പൊലീസിന്റെ പ്രാഥമിക നിഗമനം. എന്നാല് മരണത്തിലേക്ക് നയിച്ച സാഹചര്യങ്ങള് ഉള്പ്പെടെ വിശദമായി അന്വേഷിച്ചുവരികയാണ്.
രാവിലെ 10 മണി കഴിഞ്ഞിട്ടും വീട്ടില് ആളനക്കം കാണാതിരുന്നതിനെ തുടര്ന്ന് അയല്വാസികള് നടത്തിയ പരിശോധനയിലാണ് നാല് പേരെയും മരിച്ചനിലയില് കണ്ടെത്തിയത്. തുടര്ന്ന് പൊലീസില് വിവരം അറിയിക്കുകയായിരുന്നു. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു. ഒളിവില് പോയ രാഹുലിനെ കണ്ടെത്തുന്നതിനായി അന്വേഷണം ഊര്ജിതമാക്കിയതായി പൊലീസ് അറിയിച്ചു.
