ബെർലിൻ: ജർമനിയിൽ യുഎസ് വ്യോമസേനയുടെ F-16 യുദ്ധവിമാനം തകർന്നുവീണു. പടിഞ്ഞാറൻ ജർമനിയിലെ സ്പാങ്ഡാഹ്ലം വ്യോമതാവളത്തിൽ വിന്യസിച്ചിരുന്ന വിമാനമാണ് ചൊവ്വാഴ്ച പരിശീലന പറക്കലിനിടെ അപകടത്തിൽപ്പെട്ടത്.
പതിവ് പരിശീലന പറക്കൽ പൂർത്തിയാക്കി വ്യോമതാവളത്തിലേക്ക് മടങ്ങുന്നതിനിടെയാണ് വിമാനം തകർന്നത്. വിമാനത്തിലുണ്ടായിരുന്ന പൈലറ്റ് സുരക്ഷിതമായി പുറത്തേക്ക് ചാടി രക്ഷപ്പെട്ടു.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
നാല് F-16 യുദ്ധവിമാനങ്ങളടങ്ങിയ സംഘമാണ് പരിശീലന പറക്കലിൽ പങ്കെടുത്തത്. അപകടത്തിന് പിന്നാലെ ശേഷിച്ച മൂന്ന് വിമാനങ്ങൾ റാംസ്റ്റീൻ വ്യോമതാവളത്തിലേക്ക് വഴിതിരിച്ചുവിടുകയും സുരക്ഷിതമായി ലാൻഡ് ചെയ്യുകയും ചെയ്തു.
അപകടത്തിന്റെ കൃത്യമായ കാരണം വ്യക്തമല്ലെന്നും അന്വേഷണം പുരോഗമിക്കുകയാണെന്നും യുഎസ് സൈനിക വൃത്തങ്ങൾ അറിയിച്ചു. പൈലറ്റിന്റെ ആരോഗ്യനില സംബന്ധിച്ച കൂടുതൽ വിവരങ്ങൾ യുഎസ് സൈന്യം പുറത്തുവിട്ടിട്ടില്ല.