പത്തനംതിട്ട: കോന്നി പോത്തുപ്പാറയിൽ ദമ്പതികളെ വിഷം കഴിച്ച നിലയിൽ കണ്ടെത്തി. തങ്കപ്പൻ (65), ഓമന (60) എന്നിവരാണ് മരിച്ചത്. ഇരുവരും വീട്ടിൽ ഒറ്റയ്‌ക്കായിരുന്നു താമസം.
ഇന്ന് ഉച്ചയ്‌ക്ക് രണ്ടോടെയാണ് സംഭവം. ദമ്പതികൾ വിഷം കഴിച്ചതായി സമീപവാസികളുടെ ശ്രദ്ധയിൽപ്പെടുകയായിരുന്നു. തുടർന്ന് ഇരുവരെയും ഉടൻ കോന്നി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
തങ്കപ്പനും ഓമനയ്‌ക്കും ഒരു മകനുണ്ടായിരുന്നു. എന്നാൽ മകൻ വർഷങ്ങൾക്കുമുമ്പ് മരിച്ചതായാണ് വിവരം. ഇതിന് പിന്നാലെ ദമ്പതികൾ മാത്രമായിരുന്നു വീട്ടിൽ താമസിച്ചിരുന്നത്.
സംഭവത്തെ തുടർന്ന് ഇരുവരുടെയും മൃതദേഹങ്ങൾ ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം മൃതദേഹങ്ങൾ കുടുംബത്തിന് വിട്ടുനൽകും.
