ബെംഗളുരു: കോളജിൽ നിന്ന് വിളിച്ചിറക്കിയ ഒന്നാം വർഷ ബികോം വിദ്യാർത്ഥിയെ കുത്തിക്കൊലപ്പെടുത്തി. നാഗർഭാവി മഹേഷ് പി യു കോളജിലെ വിദ്യാർത്ഥിയായ യോഗേഷ് (19) ആണ് കൊല്ലപ്പെട്ടത്.
ബെംഗളുരു അന്നപൂർണേശ്വരി പോലീസ് സ്റ്റേഷൻ പരിധിയിലെ നാഗർഭാവിയിലാണ് സംഭവം. കോളജിൽ നിന്ന് പുറത്തേക്ക് വിളിച്ചിറക്കിയ ശേഷമാണ് യോഗേഷിനെ ആക്രമിച്ചതെന്നാണ് ലഭിക്കുന്ന വിവരം.
അഞ്ച് പേരടങ്ങുന്ന സംഘമാണ് വിദ്യാർത്ഥിയെ ആക്രമിച്ചതെന്ന് ഡിസിപി വ്യക്തമാക്കി. സംഭവത്തിന് പിന്നാലെ അന്നപൂർണേശ്വരി നഗർ പോലീസ് അന്വേഷണം ആരംഭിച്ചു. ആക്രമണത്തിന് പിന്നിലെ കാരണം ഉൾപ്പെടെയുള്ള കാര്യങ്ങൾ പോലീസ് പരിശോധിച്ചുവരികയാണ്.
ആക്രമണത്തിൽ ഉൾപ്പെട്ടവരെക്കുറിച്ചുള്ള വിവരങ്ങളും പോലീസ് ശേഖരിക്കുന്നുണ്ട്. സംഭവവുമായി ബന്ധപ്പെട്ട് കൂടുതൽ അന്വേഷണം പുരോഗമിക്കുകയാണ്.
