തിരുവനന്തപുരം: ദസറ, പൂജ ഉത്സവങ്ങളോടനുബന്ധിച്ചുള്ള യാത്രത്തിരക്ക് കണക്കിലെടുത്ത് പ്രത്യേക ട്രെയിന്‍ സര്‍വീസുകള്‍ പ്രഖ്യാപിച്ച് റെയില്‍വേ. തിരുവനന്തപുരം നോര്‍ത്ത്-സാന്ത്രാഗച്ചി, ബംഗളൂരു കന്റോണ്‍മെന്റ്-തിരുവനന്തപുരം നോര്‍ത്ത് റൂട്ടുകളിലാണ് സ്‌പെഷ്യല്‍ എക്‌സ്പ്രസ് ട്രെയിനുകള്‍ സര്‍വീസ് നടത്തുക. ട്രെയിനുകളിലേക്കുള്ള ടിക്കറ്റ് റിസര്‍വേഷന്‍ നാളെ രാവിലെ എട്ട് മണി മുതല്‍ ആരംഭിക്കും. ട്രെയിന്‍ നമ്പര്‍ 06105 തിരുവനന്തപുരം നോര്‍ത്ത്-സാന്ത്രാഗച്ചി എക്‌സ്പ്രസ് സ്‌പെഷ്യല്‍ ഒക്ടോബര്‍ 15 വ്യാഴാഴ്ച ഉച്ചയ്‌ക്ക് 2.15ന് തിരുവനന്തപുരം നോര്‍ത്തില്‍ നിന്ന് പുറപ്പെടും. മൂന്നാം ദിവസം ഉച്ചയ്‌ക്ക് 1.45ന് സാന്ത്രാഗച്ചിയില്‍ എത്തിച്ചേരും.
മടക്കയാത്രയ്‌ക്കുള്ള 06106 സാന്ത്രാഗച്ചി-തിരുവനന്തപുരം നോര്‍ത്ത് എക്‌സ്പ്രസ് സ്‌പെഷ്യല്‍ ഒക്ടോബര്‍ 18 ഞായറാഴ്ച ഉച്ചയ്‌ക്ക് 2.15ന് സാന്ത്രാഗച്ചിയില്‍ നിന്ന് പുറപ്പെടും. മൂന്നാം ദിവസം രാവിലെ 9.55ന് തിരുവനന്തപുരം നോര്‍ത്തില്‍ എത്തും. നാല് സ്ലീപ്പര്‍ ക്ലാസ് കോച്ചുകള്‍, 14 ജനറല്‍ സെക്കന്‍ഡ് ക്ലാസ് കോച്ചുകള്‍, ഭിന്നശേഷിക്കാര്‍ക്ക് സൗകര്യപ്രദമായ രണ്ട് സെക്കന്‍ഡ് ക്ലാസ് കോച്ചുകള്‍ എന്നിവയാണ് ഈ ട്രെയിനിലുണ്ടാകുക. ഇരുദിശകളിലേക്കും ഓരോ സര്‍വീസ് വീതമാണ് നടത്തുന്നത്.
06575 ബംഗളൂരു കന്റോണ്‍മെന്റ്-തിരുവനന്തപുരം നോര്‍ത്ത് എക്‌സ്പ്രസ് സ്‌പെഷ്യല്‍ ഒക്ടോബര്‍ 16 വെള്ളിയാഴ്ച വൈകിട്ട് 4.40ന് ബംഗളൂരു കന്റോണ്‍മെന്റില്‍ നിന്ന് പുറപ്പെടും. അടുത്ത ദിവസം രാവിലെ 10.30ന് തിരുവനന്തപുരം നോര്‍ത്തില്‍ എത്തിച്ചേരും. മടക്കയാത്രയ്‌ക്കുള്ള 06576 തിരുവനന്തപുരം നോര്‍ത്ത്ബംഗളൂരു കന്റോണ്‍മെന്റ് എക്‌സ്പ്രസ് സ്‌പെഷ്യല്‍ ഒക്ടോബര്‍ 17 ശനിയാഴ്ച ഉച്ചയ്‌ക്ക് 12.40ന് തിരുവനന്തപുരത്ത് നിന്ന് പുറപ്പെടും. അടുത്ത ദിവസം രാവിലെ ആറിന് ബംഗളൂരു കന്റോണ്‍മെന്റില്‍ എത്തും.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
നാല് എസി ത്രീ ടയര്‍ കോച്ചുകള്‍, ആറ് സ്ലീപ്പര്‍ ക്ലാസ് കോച്ചുകള്‍, എട്ട് ജനറല്‍ സെക്കന്‍ഡ് ക്ലാസ് കോച്ചുകള്‍, രണ്ട് ലഗേജ് കം ബ്രേക്ക് വാനുകള്‍ എന്നിവയാണ് ഈ ട്രെയിനിലുണ്ടാകുക. ഈ റൂട്ടിലും ഇരുദിശകളിലേക്കും ഓരോ സര്‍വീസ് വീതമാണ് ക്രമീകരിച്ചിരിക്കുന്നത്. രണ്ട് സ്‌പെഷ്യല്‍ ട്രെയിനുകളിലേക്കുമുള്ള ടിക്കറ്റ് റിസര്‍വേഷന്‍ നാളെ രാവിലെ എട്ട് മണി മുതല്‍ ലഭ്യമാകും.
