ന്യൂഡൽഹി : ഇത് വിശ്വാസത്തിന് ജനങ്ങൾ സമ്മാനിച്ച വിജയം.ഹിമാചൽ പ്രദേശിലെയും,ഗുജറാത്തിലെയും നിയമ സഭാ തെരഞ്ഞെടുപ്പിലെ വിജയത്തിന് ജനങ്ങൾക്ക് നന്ദി അറിയിച്ച് പ്രധാനമന്ത്രി നരേന്ദ്ര മോദിയുടെ ട്വീറ്റ്.
ഇരു സംസ്ഥാനങ്ങളിലെയും വികസന സ്വപ്നങ്ങൾ എത്രയും വേഗം അതിന്റെ ലക്ഷ്യങ്ങളിലെത്തും. സംസ്ഥാനങ്ങളുടെ വികസന പ്രവർത്തനങ്ങളിൽ കാല താമസം ഉണ്ടാകില്ല.
ഗുജറാത്ത് സർക്കാർ ജനങ്ങൾക്ക് നൽകിയ വികസന മാതൃകകൾക്ക് ജനങ്ങൾ നൽകിയ അംഗീകാരമാണ് ഈ വിജയം. ഇരു സംസ്ഥാനങ്ങളിലെയും പാർട്ടി പ്രവർത്തകരുടെ കഠിനാധ്വാനമാണ് പാർട്ടിക്ക് ഈ വിജയം നൽകിയതെന്നും പ്രധാനമന്ത്രി ട്വിറ്ററിൽ കുറിച്ചു.
കോൺഗ്രസ്സിലെ നേതൃമാറ്റം ബിജെപിക്ക് ശുഭ സൂചനയായിരുന്നുവെന്ന് ഉത്തർ പ്രദേശ് മുഖ്യമന്ത്രി യോഗി ആദിത്യനാഥ് പ്രസ്താവിച്ചു.നരേന്ദ്ര മോദിയുടെ ഭരണത്തിന് ജനം നൽകിയ അംഗീകാരമാണ് ഈ വിജയം.
കോണ്ഗ്രസിന്റെ വിഘടന രാഷ്ട്രീയം ജനം തള്ളിക്കളഞ്ഞു.ബിജെപി നേതൃത്വത്തിന്റെയും പ്രവർത്തകരുടെയും കഠിനാധ്വാനത്തിന്റെ ഫലമാണ് തെരഞ്ഞെടുപ്പ് വിജയമെന്നും അദ്ദേഹം പറഞ്ഞു.