ഇന്ത്യ-പാകിസ്ഥാൻ ക്രിക്കറ്റ് പോരാട്ടത്തിന് ആവേശം കൂട്ടി വീണ്ടും മോക്ക, മോക്ക

ട്വന്‍റി-20 ലോകകപ്പിൽ, നടക്കാനിരിക്കുന്ന ഇന്ത്യ-പാകിസ്ഥാൻ ക്രിക്കറ്റ് പോരാട്ടത്തിന് ആവേശം കൂട്ടി വീണ്ടും മോക്ക, മോക്ക എത്തുന്നു. 2015 ഏകദിന ലോകകപ്പിൽ ഏറെ ശ്രദ്ധിക്കപ്പെട്ട, മോക്ക മോക്ക, പരസ്യത്തിന്‍റെ പുതിയ പതിപ്പുമായാണ് അണിയറ പ്രവർത്തകർ വീണ്ടും രംഗത്തെത്തിയിരിക്കുന്നത്.

2015 ക്രിക്കറ്റ് ലോകകപ്പിലെ, ഹിറ്റ് പരസ്യമായ മോക്ക മോക്കയുടെ പുതിയ പതിപ്പ് അവതരിപ്പിച്ചാണ് അണിയറ പ്രവർത്തകർ ഇന്ത്യ-പാകിസ്ഥാൻ പോരാട്ടത്തിന് തയ്യാറെടുക്കുന്നത്. മാർച്ച് 19ന് നടക്കാനിരിക്കുന്ന ഇന്ത്യ-പാകിസ്ഥാൻ ട്വന്‍റി-20 മത്സരത്തിന് മുന്നോടിയായിയാണ് പരസ്യം ആരാധകരിലേക്ക് എത്തുന്നത്. ക്യാപ്റ്റൻ ഷാഹിദ് അഫ്രീദിയോടുളള ഒരു പാകിസ്ഥാൻ ആരാധകന്‍റെ അപേക്ഷയാണ് പരസ്യത്തിന്‍റെ ഉളളടക്കം.

നാലു തവണ നമ്മൾ പരാജയപ്പെട്ടു. ഇത്തവണ എങ്കിലും വിജയിക്കണമെന്നാണ് ആരാധകന്‍റെ അപേക്ഷ. ട്വന്‍റി-20, ഏകദിന ലോകകപ്പുകളിൽ ഒരിക്കൽ പോലും പാകിസ്ഥാന് ഇന്ത്യയെ പരാജയപ്പെടുത്താൻ കഴിഞ്ഞിട്ടില്ല. മോക്ക മോക്കയുടെ പുതിയ പതിപ്പിന് വൻ സ്വീകാര്യതയാണ്, ലഭിച്ചിരിക്കുന്നത്. നേരത്തെ 2015ലെ ഏകദിന ലോകകപ്പ് സമയത്താണ്, മോക്ക മോക്കയുടെ ആദ്യ പതിപ്പ് പുറത്തിറങ്ങിയത്. ഇന്ത്യയുടെ എല്ലാമത്സരങ്ങൾക്കും, എതിർ ടീമുമൊത്തുളള പുതിയ പരസ്യങ്ങൾ, അവതരിപ്പിച്ചിരുന്നു. അന്ന് ആരാധകർ ഇരു കൈയും നീട്ടിയായിരുന്നു അവയെ സ്വീകരിച്ചതും.