NewsSports

വിരാട വിജയം : ഇന്ത്യ സെമിയിൽ

മൊഹാലി : വിരാട് കോഹ്ലിയുടെ ത്രസിപ്പിക്കുന്ന ബാറ്റിംഗിൽ ഇന്ത്യ ഓസ്ട്രേലിയയെ തോൽപ്പിച്ച് ടി 20 ലോകകപ്പിന്റെ സെമിയിൽ കടന്നു. ആസ്ട്രേലിയ ഉയർത്തിയ 161 റൺസിന്റെ വിജയലക്ഷ്യം അഞ്ച് പന്ത് ബാക്കി നിൽക്കെ ഇന്ത്യ മറികടന്നു . ഫോക്ക്നറെ ഡീപ് മിഡ് വിക്കറ്റിലേക്ക് ബൗണ്ടറി പായിച്ചു കൊണ്ട് നായകൻ ധോണി ഇന്ത്യയുടെ വിജയറണ്ണും സെമിയിലേക്കുള്ള ബർത്തും ഉറപ്പിച്ചു

പതിനെട്ടാമത്തെ ഓവർ ആരംഭിക്കുന്നതിനു മുൻപ് പതിനെട്ട് പന്തിൽ മുപ്പത്തൊൻപത് റൺസായിരുന്നു ഇന്ത്യയ്ക്ക് ജയിക്കാൻ വേണ്ടിയിരുന്നത് . ശക്തമായ ഓസീസ് ബൗളിംഗ് നിരയ്ക്കെതിരെ ഒരോവറിൽ 13 റൺസ് വീതം . പതിനെട്ടാം ഓവർ എറിയാനെത്തിയത് ജെയിംസ് ഫോക്നർ . സ്ട്രൈക്ക് എൻഡിൽ 50 റൺസോടെ വിരാട് കോഹ് ലി.

ഫോക്നറുടെ സ്പിന്നിംഗ് പന്ത് ഡീപ് ബാക്വാർഡ് സ്ക്വയർലെഗ്ഗിലേക്ക് .. ഫോർ . അടുത്ത പന്തിൽ കോഹ് ലിയുടെ മനോഹരമായ സ്ക്വയർ ഡ്രൈവ് – ഫോർ . മൂന്നാമത്തെ പന്ത് ക്രീസ് വിട്ടിറങ്ങി ലോംഗോഫിലേക്ക് .. സിക്സ് . പതിനെട്ടാം ഓവർ കളിയുടെ ഗതി നിർണയിച്ച് കഴിഞ്ഞു .

കൗണ്ടർനീലിന്റെ പത്തൊൻപതാം ഓവറിൽ നാലു പന്തുകൾ ബൗണ്ടറി കടന്നതോടെ ഇന്ത്യ അനായാസം വിജയത്തിലെത്തുമെന്ന് ഉറപ്പായി . അവസാന ഓവറിൽ ഫോക്നറുടെ ആദ്യപന്തിൽ ബൗണ്ടറി നേടി നായകൻ ധോണി ചടങ്ങുകൾ പൂർത്തിയാക്കിയതോടെ ട്വെന്റി 20 ലോകകപ്പിലെ ത്രസിപ്പിക്കുന്ന ജയങ്ങളിലൊന്നാണ് ഭാരതം സ്വന്തമാക്കിയത് .

നേരത്തെ 49 റൺസിനെടുക്കുന്നതിനിടെ മൂന്ന് വിക്കറ്റ് നഷ്ടപ്പെട്ട ഇന്ത്യയെ യുവരാജ് – കോഹ്ലി കൂട്ടുകെട്ടിന്റെ 45 റൺസ് പാർട്ട്ണർ ഷിപ്പാണ് കളിയിലേക്ക് തിരികെയെത്തിച്ചത് . യുവരാജിന്റെ പുറത്താകലിനു ശേഷം ധോണിയുടെ പിന്തുണയോടെ കോഹ്ലി പകർന്നാടിയപ്പോൾ ഓസ്ട്രേലിയയുടെ സ്വപ്നങ്ങൾ അസ്തമിക്കുകയായിരുന്നു . 51 പന്തിൽ 9 ഫോറുകളും 2 സിക്സറുകളുമടിച്ച് 82 റൺസെടുത്ത കോഹ്ലിയാണ് മാൻ ഓഫ് ദി മാച്ച്.

നാല് ഓവറിൽ അൻപത് കടന്ന ഓസ്ട്രേലിയയെ കൃത്യമായി പിടിച്ചു നിർത്താൻ കഴിഞ്ഞതാണ് ഇന്ത്യക്ക് തുണയായത് കൂറ്റൻ സ്കോറിലേക്കെത്തുമെന്ന് തോന്നിപ്പിച്ചെങ്കിലും ഒടുവിൽ 160 റൺസിൽ ഓസ്ട്രേലിയ ഒതുങ്ങുകയായിരുന്നു .

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close