NewsSports

കോഹ് ലി ദ റിയല്‍ ഹീറോ

മൊഹാലി: ഇന്ത്യന്‍ വിജയത്തിന് അടിത്തറയായത് വിരാട് കോഹ് ലിയുടെ അപരാജിത ഇന്നിംഗ്‌സ്. ഈ ലോകകപ്പില്‍ തുടര്‍ച്ചയായ രണ്ടാം അര്‍ധ സെഞ്ച്വറിയാണ് കോഹ് ലിയുടേത്.

വിരാട് കോഹ് ലി, സച്ചിന്‍ തെന്‍ഡുല്‍ക്കറും സൗരവ് ഗാംഗുലിയും രാഹുല്‍ ദ്രാവിഡുമൊക്കെ കൂടൊഴിഞ്ഞപ്പോള്‍ ഇന്ത്യന്‍ ടീമിന് പ്രഹര ശേഷി നഷ്ടപ്പെട്ടുവെന്ന് പരിഹസിച്ചവര്‍ക്കുള്ള മറുപടിയാണ് ഈ ഡല്‍ഹി താരം. മികവുറ്റ കവര്‍ ഡ്രൈവുകളും ഒപ്പം കരുത്തുറ്റ സ്‌ട്രോക്കുകളും കൈവശമുള്ള കോഹ് ലി ക്രീസിലെത്തിയാല്‍ പിന്നെ കളി എതിരാളികളില്‍ നിന്ന് വഴുതി മാറുന്നതാണ് സമീപകാല ചരിത്രം.

മൊഹാലിയില്‍ ഫോക്‌നര്‍ കോഹ് ലി പോരാട്ടമെന്ന് പറഞ്ഞവരോട് തന്റെ മാറ്റെന്തെന്ന് കോഹ് ലി കാട്ടിക്കൊടുത്തു. 51 പന്തുകളില്‍ നിന്ന് 82 റണ്‍സ്. ചാരുതയാര്‍ന്ന ഇന്നിംഗ്‌സില്‍ 9 ബൗണ്ടറികളും 2 സിക്‌സറും.

4 മത്സരങ്ങളില്‍ നിന്ന് 182 റണ്‍സ് അടിച്ചെടുത്ത കോഹ് ലി തന്നെയാണ് ടോപ് സ്‌കോറര്‍മാരുടെ പട്ടികയിലും മുന്നില്‍. ബാറ്റ് കൊണ്ട് മാത്രമല്ല പന്തു കൊണ്ടും എതിരാളികളെ തളയ്ക്കാനറിയാമെന്ന ഈ മുന്‍നിര ബാറ്റ്‌സ്മാന്‍ മൈതാനത്തിറങ്ങിയാല്‍ ടീമിന് കൈവരുന്നത് അടങ്ങാത്ത ഊര്‍ജ്ജവും പ്രസരിപ്പുമാണ്.

ശിഖര്‍ ധവാനും രോഹിത് ശര്‍മ്മയും മടങ്ങിയാലും എതിരാളികള്‍ക്ക് മുന്നില്‍ മുട്ട് മുടക്കാത്ത കോഹ് ലിയുടെ കരുത്തിലാണ് ഇന്ത്യയുടെ രണ്ടാം ലോകകപ്പ് സ്വപ്‌നങ്ങള്‍. അതിലേക്കിനിയുള്ളത് രണ്ട് മത്സരങ്ങള്‍ മാത്രം.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close