ന്യൂഡൽഹി : ചരിത്രത്തിൽ ആദ്യമായി ഒരു ഭാരതീയൻ മിസ്റ്റർ വേൾഡ് പട്ടം കരസ്ഥമാക്കി . ഹൈദരാബാദ് സ്വദേശിയായ രോഹിത് ഖാണ്ഡെൽവാളാണ് ചരിത്ര നേട്ടം സ്വന്തമാക്കിയത്. ബ്രിട്ടനിലെ സൗത്ത്പോർട്ട് തീയറ്ററിൽ നടന്ന ചടങ്ങിലാണ് പ്രഖ്യാപനം.
വിവിധ രാജ്യങ്ങളിൽ നിന്നുള്ള 47 പേർ പങ്കെടുത്ത മത്സരത്തിലാണ് രോഹിത് ലോക സുന്ദര പട്ടം നേടിയത്. രോഹിതിന് 50,000 ഡോളർ സമ്മാനത്തുക ലഭിക്കും.നിവേദിത സാബൂ ഡിസൈൻ ചെയ്ത സ്യൂട്ടിലാണ് രോഹിത് വേദിയിലെത്തിയത്.
2015 ലെ മിസ്റ്റർ ഇന്ത്യയാണ് രോഹിത്. തന്നെ അനുഗ്രഹിച്ച എല്ലാവർക്കും വിനയത്തോടെ നന്ദി അറിയിക്കുന്നതായി രോഹിത് വ്യക്തമാക്കി.