ന്യൂഡൽഹി : ഭാരതത്തിന്റെ അത് ലറ്റിക്ക് ചരിത്രത്തിൽ ആദ്യമായി ലോക റെക്കോർഡ് നേടിയ നീരജ് ചോപ്രയ്ക്ക് കേന്ദ്രസർക്കാർ പത്ത് ലക്ഷം രൂപ പ്രഖ്യാപിച്ചു. കായിക സഹമന്ത്രി വിജയ് ഗോയലാണ് കായിക മന്ത്രാലയത്തിന്റെ പാരിതോഷികം പ്രഖ്യാപിച്ചത് .
20 വയസ്സിന് താഴെയുള്ളവരുടെ ലോക അത് ലറ്റിക്സ് ചാമ്പ്യൻഷിപ്പിലാണ് നീരജ് ചോപ്ര ചരിത്രം രചിച്ചത് . പോളണ്ടിലെ ബൈഗോഷ്സിൽ നടക്കുന്ന ചാമ്പ്യൻഷിപ്പിൽ 86.48 മീറ്റർ അകലേക്കാണ് നീരജ് ജാവലിൻ എറിഞ്ഞത് . ഇത് ലോക റെക്കോർഡാണ് .
അത് ലറ്റിക്സിൽ ആദ്യമായാണ് ഒരു ഇന്ത്യൻ താരം ലോക റെക്കോർഡ് നേടുന്നത് . ലാത്വിയയുടെ സിർമയ്സ് എറിഞ്ഞ 84.69 മീറ്റർ എന്ന റെക്കോർഡാണ് നീരജ് തിരുത്തിയത്.
