റിയോയിൽ വനിതകളുടെ അമ്പെയ്ത്ത് ടീമിനത്തിൽ ഇന്ത്യ ക്വാർട്ടർ ഫൈനലിലെത്തി. പ്രീ-ക്വാർട്ടറിൽ കൊളംബിയയെ മൂന്നിനെതിരെ 5 സെറ്റുകൾക്കാണ് ഇന്ത്യ പരാജയപ്പെടുത്തിയത്. ദീപികാ കുമാരി, ബൊംബെയ്ലാ ദേവി, ലക്ഷ്മിറാണി മാജി എന്നിവരടങ്ങിയതാണ് ടീം. ക്വാർട്ടറിൽ ലോക റാങ്കിങ്ങിൽ രണ്ടാമൻമാരായ റഷ്യയാണ് ഇന്ത്യയുടെ എതിരാളികൾ.
വനിതകളുടെ 10 മീറ്റർ എയർ പിസ്റ്റളിൽ ഇന്ത്യയുടെ ഹീനാ സിദ്ധു ഫൈനലിലെത്താതെ പുറത്തായി. മത്സരത്തിൽ 14 ആം സ്ഥാനത്ത് എത്താനേ ഹീനയ്ക്കായുള്ളൂ. ജിംനാസ്റ്റിക്സിൽ ഇന്ത്യയുടെ മെഡൽ പ്രതീക്ഷ ദീപ കർമാക്കറിനും ഇന്ന് മത്സരമുണ്ട്.
അതേ, സമയം വനിതകളുടെ ഹോക്കിയിൽ ഇന്ത്യ ജപ്പാനെ സമനിലയിൽ തളച്ചു. ഇരു ടീമുകളും രണ്ട് ഗോൾ വീതം നേടി.
