NewsTech

കൂടുതൽ സ്മാർട്ടായി ആപ്പിൾ ഐ ഫോൺ

സാൻഫ്രാൻസിസ്കോ: പുത്തൻ ഫീച്ചറുകളുമായി ആപ്പിൾ ഐഫോൺ 7, 7 പ്ലസ്, സ്‍മാർട്ട് വാച്ച് സീരീസ് എന്നിവ പുറത്തിറങ്ങി. മനോഹരമായ ഡിസൈനൊപ്പം ജെറ്റ് ബ്ലാക്ക് ഉൾപ്പെടെയുള്ള നിറങ്ങളിലും ഐഫോൺ 7 ലഭ്യമാകും.

സാൻഫ്രാൻസിസ്കോയിലെ ബിൽ ഗ്രഹാം സിവിക് ഓഡിറ്റോറിയത്തിലെ നിറഞ്ഞ സദസ്സിന് മുന്നിലാണ് ഐഫോൺ 7, 7 പ്ലസ്, സ്‍മാർട്ട് വാച്ച് സീരീസ് എന്നിവ പുറത്തിറക്കിയത്. ഐഫോൺ 7 ഔദ്യോഗികമായി പ്രഖ്യാപിക്കും മുൻപേ മൊബൈലിന്‍റെ വാട്ടർ റെസിസ്റ്റന്‍റ് ഫീച്ചറും പുതിയ ജെറ്റ് ബ്ലാക്ക് നിറവുമെല്ലാം ട്വിറ്ററിൽ ചോർന്നിരുന്നു. ഇതിനു പിന്നാലെയാണ് പുത്തൻ ഫീച്ചറുകളുമായി ഐഫോണിന്‍റെ മറുപടി.

മനോഹരമായ ഡിസൈനൊപ്പം ജെറ്റ് ബ്ലാക്ക് ഉൾപ്പെടെയുള്ള നിറങ്ങളിലും ഐഫോൺ ലഭ്യമാകും. മൊബൈലിന്‍റെ സ്റ്റോറേജ് കപ്പാസിറ്റി 32 ജിബിയിൽ തുടങ്ങുന്നു. ഇയർ ഫോൺ ജാക്കിന് പകരം ലൈറ്റ്നിങ് കണക്ടർ മൊബൈലിൽ കണക്ട് ചെയ്യാം. ക്യാമറയിൽ കൂടുതൽ ഫീച്ചറുകളോടെയാണ് ഐഫോൺ 7 പ്ലസിന്‍റെ വരവ്. 12 എം.പിയുള്ള പിൻ ക്യാമറ ഡ്യുവൽ ആയിരിക്കും. മുൻ ക്യാമറ 7 എം.പിയാണ്. സ്വിം പ്രൂഫ് ആണ് ഐഫോണിന്‍റെ പുതിയ സ്മാർട്ട് വാച്ച് എസ് 2. ബിൽറ്റ് ഇൻ ജി.പി.എസ് ഫെസിലിറ്റിയുള്ള വാച്ചിൽ പോക്കിമോൻ ഗോ കൂടാതെ ആപ്പിൾ സ്റ്റോറിൽ മാരിയോ ഗെയിമും പ്രഖ്യാപിച്ചിട്ടുണ്ട്.

എയർപോഡ് എന്ന പേരിൽ പുറത്തിറക്കിയ വയർലസ് ഇയർഫോണുകൾ ആപ്പിൾ വാച്ചുമായും കണക്ട് ചെയ്യാം. ഒക്ടോബറോടെയാണ് ഐഫോൺ 7 ഇന്ത്യയിലെത്തുന്നത്.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close