ലഖ്നൗ : സമാജ് വാദി പാർട്ടിയിൽ ആണുങ്ങൾ തമ്മിൽ പൊരിഞ്ഞ അടി നടക്കുമ്പോൾ പെൺകുഞ്ഞാണ് കൂടുതൽ നല്ലതെന്ന് ഈ അമ്മായി അമ്മയ്ക്ക് തോന്നിക്കാണും . പെൺകുഞ്ഞിന് ജന്മം നൽകിയ മരുമകൾക്ക് അമ്മായിയമ്മ കൊടുത്തു ഒരു ഉഗ്രൻ സമ്മാനം . ഹോണ്ട സിറ്റി കാർ
ഹാമിർപൂർ സ്വദേശിനിയായ ഖുഷ്ബുവിനാണ് അമ്മായിയമ്മയുടെ കയ്യിൽ നിന്നും കാർ സമ്മാനമായി ലഭിച്ചത്. ആരോഗ്യവകുപ്പിൽ നിന്ന് വിരമിച്ചയാളാണ് ഖുഷ്ബുവിന്റെ അമ്മായിയമ്മ പ്രേമാദേവി. ആൺകുഞ്ഞുങ്ങളേക്കാൾ പെൺകുഞ്ഞ് ജനിക്കുന്നതാണ് നല്ലതെന്നാണ് ഇവരുടെ അഭിപ്രായം . ചെറുമകൾ പിറന്നതിന്റെ സന്തോഷത്തിൽ നടത്തിയ പാർട്ടിയിലാണ് കാർ സമ്മാനമായി നൽകുന്നത് പ്രേമാദേവി പ്രഖ്യാപിച്ചത്.
കാർ കിട്ടിയതിൽ മരുമകളും പെൺകുഞ്ഞ് ലഭിച്ചതിൽ അമ്മായിയമ്മയും പെരുത്ത് സന്തോഷത്തിലാണ് . എന്തായാലും ഖുഷ്ബുവിന്റെ അമ്മായിയമ്മയെപ്പോലുള്ളവരെ ലഭിക്കാൻ പ്രാർത്ഥിക്കുകയാണ് ഗ്രാമത്തിലെ യുവതികളെന്നാണ് വാർത്തകൾ.
