ലോകകപ്പ് ഫുട്ബോൾ യോഗ്യതാ റൗണ്ടിൽ യൂറോപ്പിലെ വമ്പന്മാർക്ക് തകർപ്പൻ ജയം. ദുർബലരായ സാൻ മരിനോയെ ഏകപക്ഷീയമായ എട്ട് ഗോളിന് തകർത്ത് ജർമ്മനി വൻജയം നേടി. സെർജി നാബ്രിയുടെ ഹാട്രികാണ് ചാമ്പ്യന്മാർക്ക് തകർപ്പൻ ജയം സമ്മാനിച്ചത്.
സ്വീഡനെ 2-1 ന് തോൽപിച്ച് ഫ്രാൻസും തിളങ്ങി. പോഗ്ബയും പായെറ്റുമാണ് ഫ്രാൻസിന് വേണ്ടി ഗോൾ നേടിയത്. സ്കോട്ലൻഡിനെതിരെ ഏകപക്ഷീയമായ മൂന്ന് ഗോളുകൾക്കായിരുന്നു ഇംഗ്ലണ്ടിന്റെ ജയം. ഡാനിയൽ സ്റ്ററിഡ്ജ്, ലലാന, ഗാരി കഹിൽ എന്നിവരാണ് ഇംഗ്ലണ്ടിനായി ഗോൾ നേടിയത്.
പോളണ്ട്, വടക്കൻ അയർലണ്ട്. ചെക്ക് റിപ്പബ്ലിക് തുടങ്ങിയ രാജ്യങ്ങളും ഇന്നലത്തെ മത്സരങ്ങളിൽ വിജയം നേടി.