വിശാഖപട്ടണം: ഇന്ത്യ – ഇംഗ്ലണ്ട് ടെസ്റ്റ് ക്രിക്കറ്റ് പരമ്പരയിലെ രണ്ടാം മത്സരത്തിന് വിശാഖപട്ടണത്ത് ഇന്ന് തുടക്കമാകും. ജയത്തോടെ പരമ്പരയിൽ മുന്നിലെത്താനുറച്ചാണ് വിരാട് കോഹ്ലിയും സംഘവും ഇറങ്ങുന്നത്.
ഓപ്പണർ ഗൗതം ഗംഭീറിന് പകരം ലോകേഷ് രാഹുൽ ഇന്ത്യൻ ഇലവനിൽ ഇടം പിടിച്ചേക്കും. ബാറ്റിംഗ് നിരയിൽ അജിങ്ക്യാ രഹാനെയുടെ മോശം ഫോമും
ബൗളിംഗ് നിരയിൽ മുഹമ്മദ് ഷാമിയുടെ പരിക്കും ടീമിനെ അലട്ടുന്നുണ്ട്.
അതേ സമയം ആദ്യ ടെസ്റ്റിൽ സെഞ്ച്വറി നേടിയ ജോ റൂട്ട്, മൊയിൻ അലി, ബെൻ സ്റ്റോക്ക്സ്, അലിസ്റ്റർ കുക്ക് എന്നിവരുടെ ബാറ്റിംഗ് മികവിലാണ് ഇംഗ്ലണ്ട് വിശ്വാസം അർപ്പിക്കുന്നത്. ആദ്യ ടെസ്റ്റിലെ മികച്ച പ്രകടനം ആവർത്തിക്കാനാണ് ഇംഗ്ലണ്ട് നിര ലക്ഷ്യമിടുന്നത്.
ഇന്ത്യൻ നായകൻ വിരാട് കോഹ്ലിയും ഇംഗ്ലണ്ട് താരം ജൊ റൂട്ടും കരിയിറിലെ 50ആം ടെസ്റ്റിനാണ് ഇന്ന് ഇറങ്ങുന്നത്.
