NewsTech

റിസോഴ്‌സ്‌ സാറ്റ് 2 എ ഡിസംബർ ഏഴിന് കുതിച്ചുയരും

ശ്രീഹരിക്കോട്ട: ഭാരതത്തിന്റെ റിമോട്ട് സെൻസിംഗ് ഉപഗ്രഹമായ റിസോഴ്‌സ്‌‌സാറ്റ് – 2എയുമായി പി.എസ്.എൽ.വി-സി36 ഡിസംബർ ഏഴിന് ശ്രീഹരിക്കോട്ടയിലെ വിക്ഷേപണത്തറയിൽ നിന്നു കുതിച്ചുയരും.

1,235 കിലോഗ്രാം ഭാരം വരുന്ന റിസോഴ്‌സ്‌‌സാറ്റ് – 2എ 827 കിലോമാറ്ററുകൾക്കപ്പുറത്തുളള ഭ്രമണപഥത്തിൽ കുതിച്ചുയർന്ന് 18 മിനുട്ടുകൾക്കുളളിൽ എത്തിക്കാനാണ് ശാസ്ത്രജ്ഞർ പദ്ധതിയിട്ടിരിക്കുന്നത്. 44.4 മീറ്റർ ഉയരമുളള വിക്ഷേപണവാഹനമാണ് പി.എസ്.എൽ.വി സി36.

പോളാർ സാറ്റലൈറ്റ് ലോഞ്ച് വെഹിക്കിൾ – സി36 എന്ന ഐ.എസ്.ആർ.ഓയുടെ ഈ അഭിമാനവാഹനം അതിന്റെ 38ആമത്തെ വിജയക്കുതിപ്പിനാണ് തയ്യാറെടുക്കുന്നത്. ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിലെ വിക്ഷേപണത്തറയിൽ നിന്നും ഏഴിനു രാവിലെ 10.24നാണ് വിക്ഷേപിക്കുകയെന്ന് ഐ.എസ്.ആർ.ഒ അറിയിച്ചു.

റിസോഴ്‌സ്‌‌സാറ്റ്-1, റിസോഴ്‌സ്‌‌സാറ്റ്-2 എന്നീ ആദ്യമേ ഭ്രമണപഥത്തിലെത്തിച്ച ഉപഗ്രഹങ്ങളുടെ പിൻഗാമിയായാണ് റിസോഴ്‌സ്‌സാറ്റ്-2എ ഭ്രമണപഥത്തിലെത്തുക. മറ്റു രണ്ട് ഉപഗ്രഹങ്ങൾ 2003ലും, 2011ലുമാണ് വിക്ഷേപിച്ചത്. ഈ ഉപഗ്രഹത്തിന്റെ കാലാവധി 5 വർഷം ആയിരിക്കും.

ഹൈ റെസല്യൂഷൻ ലീനിയർ ഇമേജിംഗ് സെൽഫ് സ്കാനർ കാമറ, മീഡിയം റെസൊല്യൂഷൻ ലിസ്-3 കാമറ ആധുനിക വൈഡ് ഫീൽഡ് സെൻസർ കാമറ എന്നിവയും ഉപഗ്രഹത്തിലുണ്ടാകും. ഈ കാമറകൾ പകർത്തുന്ന 200ജി.ബി സൈസ് വരുന്ന ചിത്രങ്ങൾ സൂക്ഷിക്കാൻ കഴിയുന്ന രണ്ട് സോളിഡ് സ്റ്റേറ്റ് റെക്കോർഡറുകളും ഇതോടൊപ്പമുണ്ടാകും. ഗ്രൗണ്ട് സേഷനുകളിലേക്ക് ഈ ചിത്രങ്ങൾ പങ്കു വയ്ക്കാനുളള സംവിധാനവും ഇതോടൊപ്പമുണ്ട്.

1994 – 2016 കാലഘട്ടത്തിൽ 121 ഉപഗ്രഹങ്ങളാണ് പി.എസ്.എൽ.വി വിജയകരമായി ഭ്രമണപഥത്തിലെത്തിച്ചത്. ഇതിൽ 79 ഉപഗ്രഹങ്ങൾ വിദേശരാജ്യങ്ങളുടേതും ബാക്കിയുളളവ ഭാരതത്തിന്റെ ഉപഗ്രഹങ്ങളുമാണ്. ചിലവു കുറഞ്ഞ, വിശ്വസനീയമായ വിക്ഷേപണവാഹനമെന്ന നിലയിൽ വിദേശരാഷ്ട്രങ്ങൾക്കു കൂടി പ്രിയങ്കരമാണ് പി.എസ്.എൽ.വി.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close