NewsTech

50x ഒപ്ടിക്കൽ സൂം ലെൻസുമായി സോണി സൈബർ ഷോട്ട് എച്ച്.എക്സ്350

50 എക്സ് ഒപ്ടിക്കൽ സൂമുമായി സോണിയുടെ സൈബർ ഷോട്ട് എച്ച് എക്സ് 350 വിപണിയിലെത്തുന്നു. എച്ച്.എക്സ്300 സൂപ്പർ സൂം കോം‌പാക്‌ട് കാമറയുടെ പുതിയ പതിപ്പായാണ് ഇത് അവതരിപ്പിക്കുന്നത്.

യൂറോപ്യൻ വിപണിയിൽ 449 യൂറോയ്ക്ക് അടുത്ത മാസം മുതൽ ഈ കാമറ ലഭ്യമായിത്തുടങ്ങുമെന്ന് സോണി അറിയിച്ചു.

ഇമേജ് സ്റ്റെബിലൈസേഷനോടു കൂടിയ 50 എക്സ് ഒപ്ടിക്കൽ സൂം കൂടാതെ 20.4 മെഗാ പിക്സൽ സെൻസർ, സോണിയുടെ ബിയോൺസ് എക്സ് ഇമേജ് പ്രോസസർ എന്നിവയും കാമറയുടെ പ്രത്യേകതകളാണ്.

എക്സ്മോർ ആർ സി.എം.ഒ.എസ് സെൻസർ ഉപയോഗിച്ചിരിക്കുന്ന കാമറയിൽ വൈഡ് എൻഡിൽ 24എം‌എം, ടെലി ഫോട്ടോ എൻഡിൽ 1200 എം‌എം എന്നിങ്ങനെ ഫോക്കൽ ലെംഗ്‌ത് ലഭിക്കുമെന്നും കമ്പനി അറിയിച്ചു.

അതേസമയം ബ്ലൂ ടൂത്ത്, വൈഫൈ, എൻ.എഫ്.സി സൗകര്യങ്ങൾ കാമറയിൽ തന്നെയില്ലെന്നത് ഒരു കുറവായി വിദഗ്ദ്ധർ അഭിപ്രായപ്പെടുന്നു. കമ്പ്യൂട്ടറുമായി ബന്ധിപ്പിക്കുന്നതിന് യു.എസ്.ബി 2.0 ഇന്റർഫേസിംഗ് ആണ് ഉപയോഗിച്ചിരിക്കുന്നത്. നിലവിൽ മൈക്രോഫോൺ, ഹെഡ് ഫോൺ സോക്കറ്റുകളും കാമറയിലില്ല.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close