NewsSports

ക്രിക്കറ്റ് കളിക്കാനുള്ള പോരാട്ടം തുടരുമെന്ന് ശ്രീശാന്ത്

കൊച്ചി: ക്രിക്കറ്റ് കളിക്കാനുള്ള പോരാട്ടം തുടരുമെന്ന് മലയാളി താരം എസ് ശ്രീശാന്ത്. ട്വിറ്ററിലൂടെയആണ് ശ്രീയുടെ പ്രതികരണം. കോടതി കുറ്റവിമുക്തനാക്കിയിട്ടും ബി.സി.സി.ഐ നിലപാട് വ്യക്തമാക്കിയിട്ടില്ലെന്നും തന്നെ വിലക്കിക്കൊണ്ടുള്ള രേഖകളൊന്നും ബിസിസിഐയില്‍ നിന്ന് ലഭിച്ചിട്ടില്ലെന്നും ശ്രീശാന്ത് ട്വീറ്റില്‍ പറയുന്നു.

കോടതി കുറ്റവിമുക്തനാക്കിയതു മുതല്‍ വിലക്ക് പിന്‍വലിക്കണമെന്ന് ആവശ്യപ്പെട്ട് ബി.സി.സി.ഐക്ക് നിരന്തരമായി മെയില്‍ അയക്കാറുണ്ട്. എന്നാല്‍ ഒന്നിനു പോലും ബി.സി.സി.ഐ മറുപടി നല്‍കിയിട്ടില്ല.

സ്‌കോട്ടിഷ് പ്രീമയര്‍ ലീഗില്‍ കളിക്കാനുള്ള ശ്രീശാന്തിന്റെ അപേക്ഷ കഴിഞ്ഞ ദിവസമാണ് ബി.സി.സി.ഐ തള്ളിയിരുന്നു.

2013 മേയ് ഒന്‍പതിന് മൊഹാലിയില്‍ കിംഗ്‌സ് ഇലവന്‍ പഞ്ചാബുമായി നടന്ന മല്‍സരത്തില്‍ വാതുവയ്പുകാരുടെ നിര്‍ദേശപ്രകാരം തന്റെ രണ്ടാം ഓവറില്‍ പതിനാലു റണ്‍സിലേറെ വിട്ടുകൊടുക്കാന്‍ ശ്രീശാന്ത് ശ്രമിച്ചുവെന്നായിരുന്നു ആരോപണം. എന്നാല്‍ പിന്നീട് ശ്രീശാന്തിനെ പട്യാല കോടതി കുറ്റവിമുക്തനാക്കുകയായിരുന്നു.

ആരോപണമുയര്‍ന്നപ്പോള്‍ തന്നെ ശ്രീശാന്തിനെ ക്രിക്കറ്റില്‍ നിന്ന് ബിസിസിഐ ആജീവനാന്തകാലത്തേക്ക് വിലക്കുകയായിരുന്നു. എന്നാല്‍ കോടതി കുറ്റവിമുക്തനാക്കിയിട്ടും ബിസിസിഐ വിലക്ക് പിന്‍വലിക്കാന്‍ തയ്യാറായിരുന്നില്ല.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close