തിരുവല്ല: തിരുവല്ലയിലെ പ്രശസ്തമായ ശ്രീവല്ലഭ ക്ഷേത്രത്തിന്റെ ഗോപുരത്തിന് മുകളിൽ കുരിശ് സ്ഥാപിച്ച രീതിയിൽ സമൂഹമാധ്യമത്തിൽ പ്രചരിച്ച ചിത്രം വിവാദമായി. ചിത്രം പുറത്തുവന്നതോടെ വ്യാപക പ്രതിഷേധമാണ് ഉയർന്നത്.
“നമ്മുടെ തിരുവല്ല മതസൗഹാർദ്ദത്തിന്റെ മണ്ണ്” എന്ന അടിക്കുറിപ്പോടെയാണ് ചിത്രം സമൂഹമാധ്യമ പേജിൽ പങ്കുവെച്ചത്. ക്ഷേത്രത്തിന്റെ യഥാർത്ഥ രൂപം മാറ്റി മതവികാരം വ്രണപ്പെടുത്തുന്ന തരത്തിൽ ചിത്രം പ്രചരിപ്പിച്ചുവെന്നാണ് ആക്ഷേപം.
സംഭവത്തിൽ എം.ജി. സർവകലാശാല സെനറ്റ് അംഗം രംഗനാഥ കൃഷ്ണ പോലീസിൽ പരാതി നൽകി. പരാതിയെ തുടർന്ന് വിവാദ ചിത്രം സമൂഹമാധ്യമത്തിൽ നിന്ന് നീക്കം ചെയ്തതായാണ് വിവരം.
സംഭവത്തിൽ പോലീസ് പരാതിയുടെ അടിസ്ഥാനത്തിൽ തുടർനടപടികൾ സ്വീകരിച്ചുവരികയാണ്.
