പൂനെ : ആസ്ട്രേലിയക്കെതിരായ ഒന്നാം ക്രിക്കറ്റ് ടെസ്റ്റിൽ ഒന്നാം ഇന്നിംഗ്സിൽ ഇന്ത്യ തകർന്നടിഞ്ഞു . ആസ്ട്രേലിയയുടെ ഒന്നാം ഇന്നിംഗ്സ് സ്കോറായ 260 നെതിരെ ബാറ്റിംഗ് ആരംഭിച്ച ഇന്ത്യ 105 റൺസിന് ആളൗട്ടായി. ഓസീസിന്റെ ഇടങ്കയ്യൻ സ്പിന്നർ സ്റ്റീവ് ഒകീഫാണ് ഇന്ത്യൻ ഇന്നിംഗ്സിന്റെ നട്ടെല്ലൊടിച്ചത്.
രണ്ടാം ഇന്നിംഗ്സിൽ ബാറ്റിംഗിനിറങ്ങിയ ഓസീസ് ഒടുവിൽ റിപ്പോർട്ട് കിട്ടുമ്പോൾ 4 വിക്കറ്റിന് 143 റൺസ് എന്ന നിലയിലാണ് . 59 റൺസോടെ സ്റ്റീവ് സ്മിത്തും 21 റൺസോടെ മാർഷുമാണ് ക്രീസിൽ . രണ്ടാം ഇന്നിംഗ്സിൽ ആർ.അശ്വിൻ മൂന്ന് വിക്കറ്റുകൾ നേടി.
ഇന്ത്യൻ ഇന്നിംഗ്സിൽ മൂന്ന് പേർ മാത്രമാണ് രണ്ടക്കം കടന്നത് . 64 റൺസെടുത്ത ലോകേഷ് രാഹുലാണ് ടോപ് സ്കോറർ .അജിങ്ക്യ രഹാനെ 13 ഉം മുരളി വിജയ് 10 ഉം റൺസെടുത്തു . ഒകീഫിന് ശക്തമായ പിന്തുണ നൽകിയ സ്റ്റാർക്ക് 2 വിക്കറ്റുകൾ വീഴ്‌ത്തി . കളി തീരാൻ ഇനി മൂന്ന് ദിവസങ്ങൾ ശേഷിക്കെ ഇന്ത്യയുടെ നില പരുങ്ങലിലാണ് . സ്പിന്നിനെ പിന്തുണയ്‌ക്കുന്ന അവസാന ദിവസങ്ങളിൽ അത്ഭുതങ്ങൾ സംഭവിച്ചാൽ മാത്രമേ ഇന്ത്യയ്‌ക്ക് തോൽവി ഒഴിവാക്കാനാകൂ..
