KeralaSpecial

ജനത്തോടൊപ്പം രണ്ടു വർഷം

സ്വാതന്ത്ര്യാനന്തര ഭാരതത്തിൽ മാദ്ധ്യമ സ്വാതന്ത്ര്യത്തിന് കൂച്ചുവിലങ്ങിട്ട കറുത്ത കാലമായിരുന്നു 1975 ലെ അടിയന്തരാവസ്ഥ. ഫാസിസ്റ്റ് ദുർഭൂതം പിടികൂടിയ സർക്കാർ അന്ന് കുനിയാൻ പറഞ്ഞപ്പോൾ മിക്ക മാദ്ധ്യമങ്ങളും കുനിയുക മാത്രമല്ല ഇഴയുക കൂടീ ചെയ്തു . അപൂർവം ചില മാദ്ധ്യമങ്ങൾ മാത്രം പ്രതിഷേധിച്ചു .

അന്ന് ഭയകൗടില്യ ലോഭങ്ങൾ വളർത്തില്ലൊരു നാട്ടിനെ എന്ന് ഉറക്കെ പ്രഖ്യാപിച്ച് കൊണ്ട് കല്ലച്ചിലച്ചടിച്ച കുരുക്ഷേതം കേരളമെങ്ങുമെത്തിച്ച് അടിയന്തരാവസ്ഥക്കെതിരെ പടപൊരുതിയ ഒരു ദേശീയപ്രസ്ഥാനത്തിന്റെ ആദർശത്തെ പിന്തുടർന്നാണ് ജനം ടിവി മലയാള മാദ്ധ്യമ രംഗത്തേക്ക് ചുവട് വയ്ക്കുന്നത് . പാർശ്വവത്കരിക്കപ്പെട്ട ഭൂരിപക്ഷം വരുന്ന സമൂഹത്തിന്റെ നാവായി ജനം കഴിഞ്ഞ രണ്ട് വർഷം കൊണ്ട് അത് മാറുകയും ചെയ്തിട്ടുണ്ട്

ഒളിച്ച് വയ്ക്കലിന്റെയും വളച്ചൊടിക്കലിന്റെയും കാലത്ത് മറ്റാരും പറയാത്തെ നിരവധി വാർത്തകൾ സമൂഹത്തിനു മുന്നിലെത്തിക്കാൻ ജനത്തിനായി . ദേശീയ ചിന്താധാരകൾക്കെതിരെയുള്ള ഏത് ശ്രമങ്ങളേയും പ്രതിരോധിക്കാൻ ജനം എന്നും മുന്നിലുണ്ടായിർന്നു . മുൻപ് മാദ്ധ്യമ ഡസ്കുകളിൽ ചാകാൻ വിധിക്കപ്പെട്ടിരുന്ന വാർത്തകൾക്ക് ജനം ജീവിതം നൽകി .

ഒടുവിൽ മറ്റുള്ളവരും അത് സമ്മതിച്ചു . ആരും കൊടുത്തില്ലെങ്കിലും ജനം വാർത്ത കൊടുക്കും .കേരള സാങ്കേതിക സർവകലാശാല വിഷയത്തിൽ വിദ്യാർത്ഥികൾക്കൊപ്പം സമരം വിജയിക്കുന്നിടം വരെ ജനം കൂടെയുണ്ടായിരുന്നു . ലോ അക്കാദമി വിഷയത്തിലും ജനം വിദ്യാർത്ഥികൾക്കൊപ്പം നിലയുറപ്പിച്ചു .
വാർത്തയിലെ സത്യസന്ധതയും ദേശീയ താത്പര്യവും തന്നെയാണ് ജനം മുന്നോട്ട് വച്ച ധർമ്മവും .

ഈ ഏപ്രിൽ 19 ന് ജനം ടിവി അതിന്റെ രണ്ടാം പിറന്നാൾ ആഘോഷിക്കുകയാണ് .2015 ഏപ്രിൽ 19 നായിരുന്നു ജനത്തിന്റെ ഔദ്യോഗിക ലോഞ്ചിംഗ്. ആദ്യ വാർത്ത മെയ് 31 ന് രാവിലെ 11 മണിക്ക് ഓൺ എയറായി . ഇന്ന് ദേശീയചിന്താധാരയ്ക്കൊപ്പം രണ്ട് വർഷം പൂർത്തിയാക്കി മൂന്നാം വർഷത്തിലേക്ക് ജനം ടിവി കടക്കുകയാണ് ..

ഇതുവരെ നിങ്ങൾ തന്നെ എല്ലാ സ്നേഹത്തിനും നിറഞ്ഞ നന്ദി അറിയിക്കുന്നു .ഒപ്പം ഇനിയും ജനത്തോടൊപ്പം ഉണ്ടാകണമെന്ന് സ്നേഹത്തിന്റെ ഭാഷയിൽ അഭ്യർത്ഥിച്ച് കൊള്ളുന്നു . എല്ലാവർക്കും ആശംസകൾ ..

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close