കാത്തിരിപ്പിനൊടുവില് നോക്കിയാ ബ്രാന്ഡിലുള്ള ആദ്യ ആന്ഡ്രോയിഡ് ഫോണുകള് വിപണിയിലെത്തി. ഡല്ഹിയില് നടന്ന ചടങ്ങിലാണ് നോക്കിയാ 3,5,6 എന്നീ ഫോണുകള് അവതരിപ്പിച്ചത്. നോക്കിയ 3,5 എന്നീ ഫോണുകള് ഓഫ്ലൈനായി വില്ക്കുമ്പോള് നോക്കിയാ 6 ആമസോണില് മാത്രമാണ് ലഭ്യമാകുക. നോക്കിയാ 3ന് 9499, നോക്കിയാ 5ന് 12899,നോക്കിയാ 6 ന് 14999 എന്നിങ്ങനെയാണ് വില.
നോക്കിയ ഇപ്പോള് വിപണിയില് എത്തിച്ചിരിക്കുന്നവയും ഇനി എത്തിക്കുന്നവയുമായ എല്ലാ ഫോണുകളും മെയ്ക്ക് ഇന് ഇന്ത്യാ പദ്ധതിയുടെ ഭാഗമായി ഇന്ത്യയില് നിര്മ്മിച്ചവയാണ്.
ഫെബ്രുവരിയില് ബാഴ്സലോണയില് നടന്ന മൊബൈല് വേള്ഡ് കോണ്ഫറന്സിലാണ് നോക്കിയ 3, 5, 6 എന്നീ സ്മാര്ട്ട്ഫോണുകള് ആദ്യമായി അവതരിപ്പിച്ചത്.
നോക്കിയാ 6 ല് 5.5 ഇഞ്ച് ഡിസ്പ്ലേയാണ് കമ്പനി ഉള്ക്കൊള്ളിച്ചിരിക്കുന്നത്.ആന്ഡ്രോയിഡ് 7.1.1 നൗഗട്ട്,3ജിബി റാം, 32 ജിബി സ്റ്റോറേജ് സ്പേസ്, 16എംപി റിയര് ക്യാമറ, 8 എംപി ഫ്രണ്ട് ക്യാമറ,3000mAh ബാറ്ററി എന്നിവയാണ് മറ്റ് ഫീച്ചറുകള്.
നോക്കിയ 5 ല് 5.3 ഇഞ്ച് എച്ച്ഡി ഡിസ്പ്ലേ, കോര്ണിംഗ് ഗൊറില്ലാ ഗ്ലാസ്, 2ജിബി റാം, 16ജിബി സ്റ്റോറേജ്, 13എംപി റിയര് ക്യാമറ 8എംപി ഫ്രണ്ട് ക്യാമറ,ഫിങ്കര്പ്രിന്റ് സെന്സര് എന്നിവുണ്ട്.
അതേ സമയം 5.0 ഇഞ്ച് എച്ച്ഡി ഡിസിപ്ലേ, 2 ജിബി റാം,16 ജിബി സ്റ്റോറേജ്,ആന്ഡ്രോയിഡ് 7.0 നൗഗട്ട്,8 മെഗാപിക്സല് റിയര് ക്യാമറ, എല്ഇഡി ഫ്ളാഷ്,2650 mAh ബാറ്ററി എന്നിവയുമായാണ് പുറത്തിറങ്ങുന്നത്.
ഒരിടവേളയ്ക്ക് ശേഷം തങ്ങളുടെ പഴയ മൊബൈല് ഫോണ് മോഡല് നോക്കിയ 3310ന്റെ പുതുരൂപം വിപണിയിലിറക്കി ഇന്ത്യയിലേക്ക് നോക്കിയ തിരിച്ചെത്തിയിരുന്നു.ഏതാണ്ട് 80000 റീട്ടെയ്ല് സ്റ്റോറുകളില് സാന്നിദ്ധ്യമുള്ള നോക്കിയയ്ക്ക് ഫോണുകള് വിപണിയില് വ്യാപകമായി എത്തിക്കുന്നതിന് തടസ്സമുണ്ടാകില്ല.
പുത്തന് മോഡലുകളുമായി വരുന്ന നോക്കിയക്ക് പഴയ പ്രതാപം തിരിച്ചു പിടിക്കാന് കഴിയുമോ എന്ന് കണ്ടറിയണം