NewsIndiaTech

ജയിലില്‍ കഴിയുന്ന ജസ്റ്റിസ് കര്‍ണന് നെഞ്ചുവേദന; ആശുപത്രിയിലേക്ക് മാറ്റി

ന്യൂഡല്‍ഹി:കോടതിയലക്ഷ്യക്കേസില്‍ ആറുമാസം തടവിനു ശിക്ഷിക്കപ്പെട്ട് കൊല്‍ക്കത്ത പ്രസിഡന്‍സി ജയിലില്‍ കഴിയുന്ന ജസ്റ്റിസ് സി.എസ്.കര്‍ണനെ ആശുപത്രിയില്‍ പ്രവേശിപ്പിച്ചു.

നെഞ്ചുവേദനയെ തുടര്‍ന്നാണ് പരിശോധനകള്‍ക്കായി കര്‍ണനെ ആശുപത്രിയിലെത്തിച്ചത്.

കോയമ്പത്തൂരില്‍ ചൊവ്വാഴ്ച രാത്രിയില്‍ അറസ്റ്റിലായ കര്‍ണനെ ബുധനാഴ്ചയാണ് കൊല്‍ക്കത്തയിലെത്തിച്ചത്. തമിഴ്‌നാട് പൊലീസിന്റെ സഹായത്തോടെ ബംഗാള്‍ പൊലീസാണ് കര്‍ണനെ പിന്തുടര്‍ന്നു പിടികൂടിയത്. കോടതിയലക്ഷ്യക്കേസില്‍ ശിക്ഷിക്കപ്പെട്ടതിനെ തുടര്‍ന്ന് ഒന്നരമാസം ഒളിവിലായിരുന്നു കൊല്‍ക്കത്ത ഹൈക്കോടതി മുന്‍ ജഡ്ജി ജസ്റ്റിസ് സി.എസ്. കര്‍ണന്‍.

കഴിഞ്ഞമാസം ഒന്‍പതിനാണു ചീഫ് ജസ്റ്റിസ് ജെ.എസ്. ഖെഹാര്‍ തലവനായ സുപ്രീം കോടതിയുടെ ഏഴംഗ ബെഞ്ചാണ് കര്‍ണനെ ആറുമാസം തടവിന് ശിക്ഷിച്ചത്.

ദലിതനായ തന്നെ സഹജഡ്ജിമാര്‍ പിഡിപ്പിക്കുന്നുവെന്നു പരസ്യമായി ആരോപണമുന്നയിച്ച അദ്ദേഹം സുപ്രീം കോടതി ജഡജിമാര്‍ അടക്കമുള്ളവര്‍ക്കെതിരെ അഴിമതി ആരോപണങ്ങളും ഉന്നയിച്ചാണു വിവാദപുരുഷനായത്.

കഴിഞ്ഞ 12ന് കര്‍ണന്‍ സര്‍വീസില്‍ നിന്ന് വിരമിച്ചിരുന്നു.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close