ലോക സ്മാർട് ഫോൺ വിപണിയിലെ പുതു തരംഗമായ എം ഫോൺ പുതിയ എക്സ്ചേഞ്ച് ഓഫറുകൾ അവതരിപ്പിക്കുന്നു. ഉപഭോക്താക്കൾക്ക് പരമാവധി സൗജന്യങ്ങൾ കിട്ടുന്ന രീതിയിലാണ് പുതിയ ഓഫറുകൾ.
മറ്റ് ബ്രാൻഡുകൾ ഉപയോഗിക്കുന്നവർക്ക് പഴയ ഫോണുകൾ എക്സ്ചേഞ്ച് ഓഫറിലൂടെ മാറ്റി എംഫോൺ വാങ്ങാനുള്ള അവസരമാണ് ഇന്ന് മുതൽ കമ്പനി ഒരുക്കുന്നത്.
കൂടാതെ പഴയ ഓരോ സ്മാർട്ർഫോണിനും 5,000 രൂപ വരെ ഉപഭോക്താവിന് നൽകുന്നു . ഏറെ സവിശേഷതകളും മികച്ച സ്പെസിഫിക്കേഷനും സ്വന്തമായുള്ള എംഫോൺ മോഡലുകൾ കേരളത്തിൽ മാത്രമാണ് ഇത്രയും മികച്ച ഒരു ഓഫർ നൽകുന്നത്.
സാങ്കേതിക വിദ്യയിലും ഡിസൈനിങ് മികവിലും അന്താരാഷ്ട്ര നിർമാതാക്കളുടെ ഒപ്പം കിട പിടിപ്പിക്കുന്ന എംഫോൺ കൃത്യതയിൽ മികവ് നൽകുവാൻ ഫിംഗർപ്രിന്റ്, ഗ്രാവിറ്റി, പ്രോക്സിമിറ്റി, ലൈറ്റ്, ഹാൾ, ഗൈറോ-മീറ്റർ, ബ്രീത്എൽഇഡി സെൻസറുകൾ എല്ലാ മോഡലുകളിലും ഉൾപ്പെടുത്തിയിരിക്കുന്നു.
കൂടാതെ ജിപിഎസ്കൃത്യത കൂട്ടുവാൻ ഇ-കോംപസ്സ് ഉപയോഗിച്ചിരിക്കുന്നു. മൈക്രോ ഹൈബ്രിഡ് ഡ്യുവൽ സിം പോർട്ടോടു കുടിയുള്ള VoLTE ഡ്യൂവൽ സിം മോഡലുകളാണ് എംഫോൺ വിപണിയിൽ ഇറക്കുന്നത്.
ദക്ഷിണേന്ത്യയിലെ ആദ്യ സ്മാർട്ഫോൺ നിർമാതാക്കളായ എംഫോൺ മലയാളികളുടെ സ്വന്തം സ്മാർട്ഫോൺ എന്നനിലയിലാണ് ഉപഭോക്താക്കൾ നോക്കിക്കാണുന്നത്.
