NewsTech

മരണ മുനമ്പില്‍ നിന്നും എം.എസ്.പെയിന്റിനു പുനര്‍ജന്മം

കഴിഞ്ഞ ദിവസമാണ് 32 വര്‍ഷത്തെ സേവനത്തിന് ശേഷം വിന്‍ഡോസ് പെയിന്റിനെ കൈയൊഴിയുകയാണെന്ന് മൈക്രോസോഫ്റ്റ് അറിയിച്ചത്. എന്നാല്‍ തൊട്ടു പിന്നാലെ ഇതിനെതിരെ വന്‍ പ്രതിഷേധം ഉയര്‍ന്നു. സാമൂഹിക മാദ്ധ്യമങ്ങളില്‍ പെയിന്റിന്റെ സംരക്ഷണത്തിനായി വ്യാപക ക്യാംപയിനുകളാണ് നടന്നത്.

പിന്നാലെ ഇക്കാര്യത്തില്‍ വിശദീകരണവുമായി കമ്പനി രംഗത്തെത്തി. എം.എസ് പെയിന്റ് മുമ്പത്തേത് പോലെ ഇവിടെത്തന്നെയുണ്ടാകുമെന്ന് മൈക്രോസോഫ്റ്റ് ജനറല്‍ മാനേജര്‍ മെഗാന്‍ സൗണ്ടേഴ്‌സാണ് വ്യക്തമാക്കിയത്. വിന്‍ഡോസ് സ്‌റ്റോറില്‍ എം.എസ് പെയിന്റ് സൗജന്യമായി ലഭ്യമാകുമെന്നും അദ്ദേഹം കൂട്ടിച്ചേര്‍ത്തു.ഇന്ന് എം.എസ് പെയിന്റിന് വേണ്ടിയുള്ള വ്യാപക ക്യാംപയിനുകളും ഗൃഹാതുരയും കമ്പനി കണക്കിലെടുക്കുന്നു.

ഇക്കാര്യത്തില്‍ നിന്നും 32 വര്‍ഷത്തിന് ശേഷവും എം.എസ് പെയിന്റിന് ധാരാളം ആരാധകരുണ്ടെന്ന് മനസിലായി. കമ്പനിയുടെ എക്കാലത്തെയും മികച്ച ആപ്പിന് ഇത്രയേറെ പിന്തുണ ലഭിക്കുന്നതില്‍ സന്തോഷമുണ്ടെന്നും അദ്ദേഹം കൂട്ടിച്ചേര്‍ത്തു. പഴയ എം.എസ് പെയിന്റിന് പകരം പരിഷ്‌ക്കരിച്ച ത്രീഡി വെര്‍ഷനും കമ്പനി ഉടന്‍ തന്നെ പുറത്തിറക്കുമെന്നും മെഗാന്‍ വിശദീകരിച്ചു.

വരും തലമുറയെയും ചിത്രരചന പഠിപ്പിക്കാന്‍ പെയിന്റുണ്ടാകും.

 

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close