IndiaSpecial

ഭാരതത്തിന്റെ ബുള്ളറ്റ് ട്രെയിൻ : പ്രത്യേകതകൾ

ബുള്ളറ്റ് ട്രെയിൻ എന്ന സ്വപ്ന പദ്ധതിയുടെ ആദ്യ ഘട്ടമാണ് പ്രധാനമന്ത്രി നരേന്ദ്രമോദിയും ജപ്പാൻ പ്രധാനമന്ത്രി ഷിൻസോ അബെയും ശിലാസ്ഥാപനം ചെയ്തു കൊണ്ട് തുടക്കമിട്ടത് . ജപ്പാന്റെ സഹായത്തോടെ മുംബൈ മുതൽ അഹമ്മദാബാദ് വരെ നീളുന്ന ബുള്ളറ്റ് ട്രെയിൻ കോറിഡോർ ഭാരതത്തിലെ ആദ്യ അതിവേഗ തീവണ്ടി സർവീസ് ആയിരിക്കും .

അൻപത് വർഷം കൊണ്ട് അടച്ചു തീർക്കാവുന്ന വിധത്തിൽ 0.01 ശതമാനം പലിശയോടെ പദ്ധതി തുകയുടെ 81 ശതമാനവും നൽകുന്നത് ജപ്പാനാണ് . 508 കിലോമീറ്റർ ദൂരം മൂന്ന് മണിക്കൂറിനുള്ളിൽ ട്രെയിൻ പൂർത്തിയാക്കും . ശരാശരി 250 കിലോമീറ്റർ വേഗമുള്ള ട്രെയിന്റെ കൂടിയ വേഗം മണിക്കൂറിൽ 350 കിലോമീറ്ററായിരിക്കും .

ആദ്യം പത്ത് കോച്ചുകളുമായി 750 യാത്രക്കാരെ വഹിക്കാൻ ശേഷിയുള്ള ട്രെയിനായിരിക്കും സർവീസ് നടത്തുക . തുടർന്ന് 16 കോച്ചുകളുള്ള 1250 യാത്രക്കാരെ വഹിക്കാൻ ശേഷിയുള്ള ട്രെയിനാക്കി നവീകരിക്കും .

351 കിലോമീറ്റർ ഗുജറാത്തിലൂടെയും 157 കിലോമീറ്റർ മഹാരാഷ്ട്രയിലൂടെയുമാണ് ട്രെയിൻ സഞ്ചരിക്കുന്നത് . റെയിൽ പാതയുടെ 92 ശതമാനവും ഭൂമിയിൽ നിന്ന് ഉയർത്തിയായിരിക്കും പണിയുന്നത് . 6 ശതമാനം തുരങ്കത്തിലൂടെയും ബാക്കി ഭൂമി നിരപ്പിലും ആയിരിക്കും .

രാജ്യത്തെ ഏറ്റവും നീളം കൂടിയ റെയിൽ തുരങ്കമാണ് പദ്ധതിയിലുള്ളത് . ഇതിൽ 7 കിലോമീറ്റർ സമുദ്രത്തിലൂടെയായിരിക്കും . പ്രധാനമായും 12 സ്റ്റേഷനുകളാണ് പദ്ധതിയിൽ ഉണ്ടാവുക . മുംബൈ , താനെ ,വിരാർ , ബോയ്സാർ , വാപി, ബിലിമോറ, സൂററ്റ് , ബറൂച്ച് , വഡോദര , ആനന്ദ്, അഹമ്മദാബാദ്, സബർമതി എന്നിവയാണ് സ്റ്റേഷനുകൾ.

ഇന്ത്യൻ റെയിൽവേയും ജപ്പാനിലെ ഷിങ്കാൻസെൻ ടെക്നോളജിയും സംയുക്തമായാണ് പദ്ധതി നടപ്പിലാക്കുന്നത് . 2023 ൽ ആണ് പദ്ധതി പൂർത്തിയാകുമെന്ന് പ്രതീക്ഷിക്കപ്പെടുന്നതെങ്കിലും റെയിൽവേ മന്ത്രി പീയൂഷ് ഗോയൽ പറഞ്ഞത് പ്രകാരം പ്രധാനമന്ത്രി ആഗ്രഹിക്കുന്നത് ബുള്ളറ്റ് ട്രെയിൻ 2022 ആഗസ്റ്റ് 15 ന് ആരംഭിക്കണമെന്നാണ്

 

5K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close