Special

മരണത്തിനു മുൻപ് ഒരിക്കൽ കൂടി കടൽ കാണണം ; യുവതിയുടെ ആഗ്രഹം നിറവേറ്റി ആശുപത്രി അധികൃതർ

ഏതു നിമിഷവും മരണം തന്നിലേക്കെത്തുമെന്നറിയാവുന്ന അവൾക്ക് ഡോക്ടറോട് പറയാൻ ഒരപേക്ഷയേ ഉണ്ടായിരുന്നുള്ളൂ.തനിക്ക് ഒരിക്കൽ കൂടി കടൽ കാണണം.

നിസംഗത മാത്രമുള്ള കണ്ണുകളിൽ നോക്കി മറുത്ത് പറയാൻ കഴിഞ്ഞില്ല ഡോക്ടർക്ക്.

ഓ​സ്ട്രേ​ലി​യ​യി​ലെ ഹാ​ർ​വി വേ​യിലെ ക്വീൻസ് ലാൻഡ് ആശുപത്രിയിലെ പാലിയേറ്റീവ് വിഭാഗത്തിൽ ചികിൽസയ്ക്കായി കൊണ്ടുവരവെയാണ് യുവതി തന്റെ അവസാന ആഗ്രഹം ആംബുലൻസിലെ ഡോക്ടറോടും,ജീവനക്കാരോടും പറഞ്ഞത്.

യുവതിയുടെ അവസ്ഥ മനസിലാക്കിയ ആംബുലൻസ് അധികൃതർ അപേക്ഷ നിറവേറ്റി നൽകാൻ തീരുമാനിച്ചു.

മരണാസന്നയായ യുവതിയേയും കൊണ്ട് ക്വീൻസ് ലൻഡ് ആശുപത്രിയിലെ ആംബുലൻസ് പിന്നെ കുതിച്ചത് സമീപത്തുള്ള കടൽ തീരത്തേക്കാണ്.

ആ​ശു​പ​ത്രിക്കു​ള്ളി​ലേതിന് സ​മാ​ന​മാ​യ സ​ജ്ജീ​ക​ര​ണ​ങ്ങ​ളോ​ടെയാണ് യുവതി​യെ സ്ട്രെച്ച​റി​ൽ ക​ട​ൽ​ക്ക​ര​യി​ൽ എത്തിച്ചത്.

ക​ട​ന്നു പോ​കു​ന്ന ഓ​രോ നി​മി​ഷ​ത്തി​ലും മ​ര​ണം ത​ന്നി​ലേ​ക്ക് കൂ​ടു​ത​ൽ അ​ടു​ത്തു​കൊ​ണ്ടി​രി​ക്കു​ന്നു​വെ​ന്ന് മ​ന​സി​ലാ​ക്കി​യ അവൾ നിറഞ്ഞ കണ്ണുകളോടെയാണ് കടലിനെ നോക്കി കണ്ടതെന്ന് ആശുപത്രി ആംബുലൻസ് തലവൻ ഹെലൻ ഡൊണാൾഡ്സൻ തന്റെ ഫേസ്ബുക്ക് കുറിപ്പിൽ പറഞ്ഞു.

അൽപ്പസമയത്തിനു ശേഷം യുവതിയെ ആശുപത്രിയിൽ എത്തിക്കുകയും ചെയ്തു.
ക്വീ​ൻ​സ്‌ലൻ​ഡ് ആം​ബു​ല​ൻ​സ് സ​ർ​വീ​സ് അ​ധി​കൃ​ത​ർ ഫേ​സ്ബു​ക്കി​ൽ പ​ങ്കു​വെ​ച്ച​ ഈ ​ദൃ​ശ്യ​ങ്ങ​ൾ വൈ​റ​ലാ​യി.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close