ഐ ലീഗിലെ അരങ്ങേറ്റ മൽസരത്തിൽ ഇന്ത്യൻ ആരോസിന് അത്യുഗ്രൻ ജയം. ചെന്നൈ സിറ്റി എഫ്സിയെ എതിരില്ലാത്ത മൂന്നു ഗോളുകൾക്കാണ് ആരോസ് തറപറ്റിച്ചത്. അനികേത് ജാദവ് ഇരട്ട ഗോളുകളും (20, 58 മിനിറ്റുകൾ) അധികസമയത്ത് ബോറിസ് സിങ് മൂന്നാം ഗോളും നേടി.
അണ്ടർ 17 ലോകകപ്പ് കളിച്ച ടീമിലെയും ഇന്ത്യയുടെ അണ്ടർ 19 ടീമിലെയും താരങ്ങളെ ഉൾപ്പെടുത്തിയാണ് ഇന്ത്യൻ ഫുട്ബോൾ ഫെഡറേഷൻ ആരോസിനെ ഐലീഗിൽ അവതരിപ്പിക്കുന്നത്. ജയത്തോടെ ഐ ലീഗ് പോയിന്റ് ടേബിളിൽ ആരോസ് ഒന്നാമതെത്തി