അഹമ്മദാബാദ് : ഗുജറാത്തിൽ 89 മണ്ഡലങ്ങളിലേക്കുള്ള ആദ്യഘട്ട വോട്ടെടുപ്പ് തുടരുകയാണ്. തെക്കൻ ഗുജറാത്തിലെയും സൗരാഷ്ട്രയിലെയും മണ്ഡലങ്ങളിലാണ് ജനവിധി. പോളിംഗ് 26 ശതമാനം കടന്നു.
രാജ്കോട്ട് വെസ്റ്റ് മണ്ഡലത്തിൽ നിന്ന് ജനവിധി തേടുന്ന മുഖ്യമന്ത്രി വിജയ് രൂപാനി വോട്ട് രേഖപ്പെടുത്തി. കോൺഗ്രസ് വെല്ലുവിളിയല്ലെന്ന് അദ്ദേഹം പറഞ്ഞു.
തികഞ്ഞ ആത്മവിശ്വാസമുണ്ടെന്നും, മികച്ച പോളിംഗ് പ്രതീക്ഷിക്കുന്നതായും വിജയ് രൂപാണി മാദ്ധ്യമങ്ങളോട് പ്രതികരിച്ചു.
തെരഞ്ഞെടുപ്പിനു മുൻപ് പുറത്തുവന്ന എല്ലാ അഭിപ്രായ സർവേകളിലും ബിജെപിക്കാണ് വിജയം പ്രവചിക്കുന്നത് . പട്ടേൽ സമരത്തിന്റെ ചുവടു പിടിച്ച് ജാതി രാഷ്ട്രീയം പയറ്റുന്ന കോൺഗ്രസിന് തിരിച്ചടി ലഭിക്കുമെന്നാണ് സർവേ ഫലങ്ങൾ പറയുന്നത്.
