Special

അച്ഛൻ വേഗം പോയി വാ; തൂക്കു മരത്തിലേക്കെന്നറിയാതെ അച്ഛനെ യാത്രയാക്കിയ കുരുന്ന്

ഇനി ഒരിക്കലും തന്റെ അച്ഛൻ മടങ്ങി വരില്ലെന്നറിയാതെയാണ് ആ കുഞ്ഞ് തന്റെ അച്ഛനെ കെട്ടിപിടിച്ച് ഗുഡ് ബൈ പറഞ്ഞത്.തൂക്കു മരത്തിലേക്ക് പോകുന്നതിനു മുൻപ് സ്വന്തം മകളെയും ,ഭാര്യയേയും,അമ്മയേയും ആ യുവാവ് ചേർത്ത് പിടിച്ചപ്പോൾ കണ്ടു നിന്നവരുടെയും കണ്ണുകൾ നിറഞ്ഞു

വധശിക്ഷയ്ക്ക് വിധിക്കപ്പെട്ട് തൂക്കുമരത്തിലേക്ക് യാത്രയാരംഭിക്കുന്നതിനു മുന്പ് മുപ്പതുകാരനായ യുവാവ് തന്‍റെ കുടുംബാംഗങ്ങൾക്കൊപ്പം അവസാനനിമിഷം ചിലവഴിക്കുന്നതിന്‍റെ ദൃശ്യങ്ങൾ ചൈനയിൽ നിന്നുള്ളതാണ്.കണ്ണു നിറയാതെ കാണാനാകില്ല ഈ ദൃശ്യങ്ങൾ.

വടക്കുകിഴക്കൻ ചൈനയിലെ ഹെയ്‌ലോംഗ്ജിയാംഗിലുള്ള ഡാക്വിംഗിലെ ജയിലിലാണ് സംഭവം അരങ്ങേറിയത്.
രണ്ടുവർഷം മുമ്പ് മൂന്നു പേരെ കൊലപ്പെടുത്തിയ കേസിലാണ് കാർഡ്രൈവറായ ലി ഷിയുവിന് കോടതി വധശിക്ഷ വിധിച്ചത്.

വധശിക്ഷ നടപ്പിലാക്കാൻ ലീയെ കൊണ്ടുപോകാൻ പോലീസ് എത്തിയപ്പോൾ അദ്ദേഹത്തിന്‍റെ അമ്മയും ഭാര്യയും കുഞ്ഞും അവിടെ എത്തിയിരുന്നു.

ഇവരെ കണ്ട ലി തനിക്ക് അവരുടെ അടുക്കൽ പോകണമെന്നും കുഞ്ഞിനെ എടുക്കണമെന്നുമുള്ള ആഗ്രഹം പോലീസുകാരോട് അറിയിച്ചു. അദ്ദേഹത്തിന്‍റെ അഭ്യർഥന കേട്ട പോലീസുദ്യോസ്ഥർ കുടുംബാംഗങ്ങളുടെ അടുക്കൽ പോകാൻ അദ്ദേഹത്തിന് അനുമതി നൽകി

അമ്മയും,ഭാര്യയും ലീയെ കെട്ടിപിടിച്ച് കരയുമ്പോഴും കാര്യം മനസിലാകാതിരുന്ന കുഞ്ഞ് പുഞ്ചിരിയോടെ അച്ഛനെ കൈവീശി യാത്രയാക്കുകയായിരുന്നു.

മൂന്ന് പ്രാവശ്യം ലീ തന്റെ അമ്മയുടെ പാദത്തിനു മുന്നിൽ പ്രാർത്ഥിക്കുന്നതും ദൃശ്യങ്ങളിലുണ്ട്.

ഒന്നുമറിയാതെ പുഞ്ചിരിയോടെ തന്റെ പിതാവിനെ തൂക്കുമരത്തിലേക്ക് യാത്രയാക്കിയ ആ കുരുന്ന് ചൈനീസ് ജനതയുടെ മനസ്സിൽ വേദനയാവുകയാണ്

599 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close