പേര് സമർത്ഥ്, വയസ്സ് 2, ഈ പ്രായത്തിനുള്ളിൽ നേടിയ ‘ആത്മാർത്ഥ‘ സുഹൃത്തുക്കൾ ഇരുപത്തഞ്ചോളം കുരങ്ങുകൾ.
ബംഗാളില് നിന്ന് 400 കിലോമീറ്റര് ദൂരെയുള്ള അല്ലാപൂർ എന്ന ഗ്രാമത്തിലാണ് ഈ ആധുനിക മൗഗ്ലിയുള്ളത്.
സമന് ബന്ഗിരി എന്ന രണ്ടു വയസുകാരന് ഈ ഗ്രാമവാസികൾക്ക് ഒരു അത്ഭുതമാണ്. കാരണം അവന്റെ പ്രായത്തിലുള്ള കുട്ടികള് മറ്റ് കുട്ടികളുമൊത്ത് കളിച്ചു രസിക്കുമ്പോഴാണ് സമൻ കൂട്ടുകാരായ കുറേ കുരങ്ങുകളോടൊപ്പം കളിക്കുന്നത്.
രക്ഷിതാക്കള് വയലില് പണിക്ക് പോയ സമയത്താണ് കുരങ്ങുകള് സമനെ സമീപിച്ചത്.കുരങ്ങുകള് സമനെ ഉപദ്രവിക്കുമോ എന്ന് വീട്ടുകാര് ഭയപ്പെട്ടിരുന്നെങ്കിലും വളരെ എളുപ്പത്തില് സമന് ആ കുരങ്ങുകളുമായി ചങ്ങാത്തത്തിലായി.
ഇപ്പോൾ കുരങ്ങുകള് സമന്റെ വീട്ടിലെ നിത്യ സന്ദര്ശകരായി മാറി. കുഞ്ഞ് മൗഗ്ലിയുടെ ഓരോ പ്രഭാതവും ആരംഭിക്കുന്നത് ഈ കുരങ്ങുകളോടൊപ്പമാണ്.
എന്നും രാവിലെ കുരങ്ങുകൾ സമന്റെ വീട്ടിലെത്തും. കുട്ടി ഉറങ്ങുകയാണെങ്കിൽ ഉണർത്തും. പിന്നെ മണിക്കൂറുകൾ നീളുന്ന കളികളാണ് . മാത്രമല്ല സമൻ കഴിക്കുന്ന ആഹാരവും കുരങ്ങുകൾക്ക് പങ്കു വച്ച് നൽകാറുണ്ട്.
കുരങ്ങുകളുടെ എല്ലാ ഭാഷയും സമനും സമന്റെ ഭാഷ കുരങ്ങുകള്ക്കും നന്നായി മനസിലാകുന്നുണ്ട്.
എല്ലാ കുട്ടികളോടും കുരങ്ങന്മാര് ഇങ്ങനെ അടുത്തിടപഴകുമോ എന്നറിയാന് മറ്റൊരു കുട്ടിയെ ഇവര്ക്കൊപ്പം കളിക്കാന് വിട്ടുനോക്കി. എന്നാൽ ആ കുട്ടിയെ കുരങ്ങന്മാർ ആക്രമിക്കാനൊരുങ്ങുകയാണ് ചെയ്തതെന്ന് സമര്ഥിന്റെ അമ്മാവന് ബറമാ റെഡ്ഡി പറഞ്ഞു.
സമന്റെ ഈ മൗഗ്ലി ജീവിതം അവിടുത്തെ പ്രാദേശിക ചാനലുകാരെല്ലാം പകര്ത്തിയെടുത്തിരുന്നു. അതോടെ ഈ ഗ്രാമത്തിന്റെ അത്ഭുതമായി മാറി ഈ ബാലൻ