കാന്സര് വാക്സിന് മനുഷ്യനില് പരീക്ഷിക്കാമെന്ന സ്റ്റാന്ഫോര്ഡ് യൂണിവേഴ്സിറ്റിയുടെ പഠനത്തിന് അംഗീകാരം. എലികളില് നടത്തിയ പരീക്ഷണം വിജയം കണ്ടതിനെ തുടര്ന്നാണ് മനുഷ്യനില് പരീക്ഷണം നടത്താന് അംഗീകാരം ലഭിച്ചത്.
കാന്സറിനെ പ്രതിരോധിക്കുന്ന T സെല്ലുകളെ ഉത്തേജിപ്പിച്ചാണ് വാക്സിന് പ്രവര്ത്തിക്കുക.പ്രതിരോധ ശക്തിയെ ഉത്തേജിപ്പിക്കുന്ന മരുന്നുകള് കൃത്യമായ അളവില് കുത്തിവെക്കുന്നതിലൂടെ ട്യൂമറുകള് ഇല്ലാതാക്കാനും കാന്സര് സാധ്യതകളെ തുടച്ചു നീക്കാനും സാധിക്കുമെന്നാണ് സ്റ്റാന്ഫോഡ് യൂണിവേഴ്സിറ്റിയുടെ കണ്ടെത്തല്.
ഇതിലൂടെ ചിലവ് കുറഞ്ഞ അര്ബുദ രോഗ ചികിത്സ സാധ്യമാകുമെന്നും പഠനം വ്യക്തമാക്കുന്നു.ശരീരത്തിന്റെ ഏതെങ്കിലും ഒരു ഭാഗത്തെ മാത്രം കേന്ദ്രീകരിച്ചുള്ള ചികിത്സാ രീതി എന്നതിലുപരി ശരീരത്തിലാകെയുള്ള കാന്സറിനു കാരണമാകുന്ന ട്യൂമറുകളെ നശിപ്പിക്കാന് സാധിക്കുമെന്നതാണ് വാക്സിന്റെ സവിശേഷത.